尼泊爾 ~ 原野之美

尼泊爾 ~  原野之美

哲雲

唔係講笑, 哩期真係邊個夠我威!

坐了成五個鐘頭車, 終於嚟到哲雲, 嚟依度因為有個國家野生動物園.  一落車, 已經有成硼人出嚟迎接我倆, 嘩!  有啲誇張喎!  原來經理話我地係酒店2009年最後的客人, 亦是果兩日的唯一住客, 所以成為了焦點!  就係咁, 我地無啦啦做了兩日公主!  成日比班男人圍住, 嘻嘻! 

間resort 好好環境, 好靚! 

真係講起都開心, 經理先生對我地不知幾好,  每餐預備了不同的菜式, 餐餐都好好食,  仲陪我地一齊食!  Coffee or tea 隨時隨地任飲!  連茶都有不同的選擇呢!  所以雖然無電視睇,  但晚上大家圍住火爐, 嘆下紅酒, 談天說地, 好 relax!  兩日咁多好喇, 太耐驚頂唔住!

大家睇下我們嘅 schedule 幾豐富!  清清楚楚, 連沖涼都有時限!

最最最精彩,  最最最刺激, 最最最開心的一日展開,  jungle, jungle!

一大清早天都未光,  坐船河 > 騎大象 > Safari 
煙霧瀰漫, 增加了不少緊張氣氛. 

嘩! 好大隻象呀!  就係靠它帶我們入森林了!  好緊張啊!

由於今次仍然係傻瓜, 所以有些動物睇到影唔到, 加上佢地跑得好快, 點夠佢地嚟吖!  之但係個過程就好過癮囉!

第一種動物出現 > 野豬  (它們的叫聲幾得人驚!)

跟住是不同種類的鹿仔, 有角果種大隻D.

初頭眼仔碌碌望住你, 跟住走頭!

大家睇真啲, 係中間位置, 有角呢!

犀牛, 大大隻, 又夠定, 所以可以睇真啲!

哈哈!  係咪勁呢!

下午小休後又嚟, 不過今次係自己行!  咁咪好危險?   唔驚我地有三個猛男傍住!  他們手持大碌竹, 仲有幾粒石頭做武器咁大把!

無咩收穫,  我覺得啲動物聽到我地行到 si li sa la 都走晒啦!   所以只是見到佢地的身影!    仲要一路行, 一路小心避開啲樹枝,  有齒植物,  避得嚟, 有時就要硬食蜘蛛網!

行到日落...

新奇, 好玩, 刺激的一天, 由兩位猛男送番酒店劃上句號.

好友不知幾受當地男士歡迎, 又讚佢靚, 又話佢 sweet!  撞鬼囉, 啲審美標準有點偏差喎!  

尼泊爾 ~ 山水之美

尼泊爾 ~  山水之美

撲卡拉

四點三十分, 晨雞咁早要起身, 因為要行上山睇日出!  噢!  睇日出, 好耐無玩哩樣嘢, 城市人嘛! 

又凍, 又大霧, 仲要上山, 有點吃力! 不過大約行兩粒鐘便到達!  1,500米咁大把!

好可惜,  霧太大,  一直等,  但太陽伯伯還是走不出來露笑顏!  反正上到嚟, 就坐低嘆番杯茶,  讓自己 refresh一下! 

齊齊等運到!

坐下, 坐下, 一度陽光終於出現, 而喜瑪拉雅山群峰也俏俏地盡現眼前!  雖然短暫, 而且是遠距離, 已足夠我們高興!  大家要落足眼力啊!

大家就帶著愉快的心情回酒店食早餐 lu...

下午天色放晴, 坐船仔遊湖, 還給我們遇上拍 MTV!  

尼泊爾 ~ 滿天神佛

尼泊爾 ~ 滿天神佛

一個宗教極度濃厚的國家,  簡直可以用滿天神佛來形容!   沒有任何宗教信仰的我,  對於各式各樣的佛寺彧神廟,  只會從歷史和建築藝術角度去欣賞! 

巴騰古城
已有二千多年歷史, 已被列入為世界文化遺產.

其他各式各樣的佛寺,  神廟.  果啲雕刻真係靚到呢!

布特勒佛塔 

建於二千年前, 全尼泊爾最大的佛寺,  有點似西藏.

還有各式各樣的神像, 包括印度教, 佛教.