Luxury Wine Dinner

期待已久!  好戲連場!  高潮一浪接一浪!  

本應為配合主題,  想搵番件 deep V 露背上陣, 但好可惜,  全屋摷勻晒都無!   噢 ~

                                

     
先嚟個大晒冷!   由左至右順住飲, 唔可以亂嚟!  連幾時開, 透幾耐, 都好嚴緊,  好鬼認真! 
               

           

我唔係好識, 淨係知哩三枝係勁嘢!  我一向都只係坐享其成!  嘻嘻!

                      

 香檳配生蠔, 天衣無縫!  一枝 KRUG NV + 一枝 DOM 2002, 個人鍾意 DOM 多啲.

              

當日令人超驚喜的白酒!  讚不絕口!

 

                          

                 

 

  十足阿拉丁神燈的 Decanter!  平時好少出動嘅.
  

      1975 LATOUR,  哩啲老酒,  個 cork 好多時已經好淋,  好容易爛,  開時要特別小心!    Um.....除左開頭有少少霉味,  慢慢漸入佳境!  雖然大家都覺得有啲走樣,   有啲啲失望!  定係我地對佢太有期望?

                          

 

 跟住食牛扒, 再嚟枝 1982..... 就係依個時候..... 我頂唔住了!    OMG, 飯前一致被看好的我,  竟然第一個瞓抵左!    我懷疑係果兩枝香檳出事!  原來溝酒飲真係好危險架!   電視機前面嘅朋友,  千其唔好學呀!  

             

終於搞到三點幾先返得屋企!     第日, 同學生日有飯局,  都只是飲果汁, 幾純情!

釜山 ~ 2010 (下)

韓國除了醉人的紅葉, 仲有行山, 美食, 購物... 真係好豐富啊! 

鋪滿落葉的梯級, 每行一步都[沙沙]作響, 好得意.

            

                          

每一處都充滿詩情畫意, 巧浪漫哩 ~

                

          

                                 

好友名符其實係[亞叔殺手], 雖然每次咁講佢都一定鬧我...  嘻嘻!  
我地在途中經常遇上好心的亞叔們,  例如會捉住好友隻手帶我地下車, 再同我地去售票處買車票!   影相時又有熱心亞叔教我地攞景,   更有亞叔成日主動幫我地影合照...
以下幾張就是亞叔們的大作,  好得喎....我好友.....
                               

        

                                  
係慶州見到依啲像菜又像花的花圃, 顏色好艷麗.  我覺得應該係椰菜花!
          

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

-         機張街市 「食蟹一條街」, 開正我果瓣啦!  嘻嘻 ~

松葉蟹, 一定要試!  清蒸, 原汁原味!

                  

好街市, 好地道, 有亞嬋專門幫你拆蟹, 等你可以慢慢嘆!  但係我地依啲老骨頭, 坐耐少少就腳痺 ~

       

最後依個蟹蓋蟹子飯, 先係精華所在, 好味到!

                              

-         海雲台 「海鮮市場」
一大堆前菜, 陣容鼎盛; 一大盤魚生, 可以點 wasabi,  但當地食法是香葉 + 生蒜 + 辣椒, 再用生菜包住嚟食,  嘩!  辣死人咩!
     

                    

鐵板飯, 有點似石頭窩飯, 個精髓係最後加紫菜同白飯煎成一餅, 好惹味!

之不過, 原來係韓國食石頭窩飯係無牛肉, 煎薄餅係無海鮮!  都係淨係得啲菜, 大豆芽, 大蒜, 蔥, 紅蘿蔔絲…. 寡左啲囉!  唔知係咪我地唔識叫呢?
至於 shopping, 雖則一定不及首爾咁多采多姿, 但已經夠我和好友行足一日, 收穫仲唔錯 tim! 
今次釜山之行真係好開心, 但是途中發生了些不愉快事件..... 我比人嫌棄呀!  
大家都明白, 係韓國,   語言不通, 文字不通,  行動當然較為緩慢!   而且講真, 我又唔係跑慣碼頭,  邊有好友咁醒一眼關七喎!   自由行係咁架啦,   好趕咩?   Take it easy!

                  

釜山 ~ 2010 (上)

返嚟啦!  好開心!  好開心!

從來不算浪漫的我, 從未賞過櫻花, 紅葉!  今次終於能一償所願, 去韓國慶洲, 內藏山賞紅葉!  好勁啊! 
可能我係第一次親身感受, 現場所見, 真係靚到你唔信!  漫天紅葉下, 不同層次的顏色,  此時此刻, 只可用 amazing 來形容!  感動 ~  

當然, 傻傻瓜 + 傻瓜瓜機,  出嚟的效果係咁上下;  大家一定要等下 Mak Mak 的佳作啊!

2010-11-6  > 釜山 ~ 慶州  (天晴)

      

           任性的金黃 ~

       

哩張精彩囉, 好友把我的美好身段表露無遺.....就係好似一碌木咁, 大家睇下何謂人樹合一!   (唔好意思, 本來唔應該放張咁殺風景嘅相, 但實在太好笑, 忍唔住!) 

                          

                    
                   火辣辣的艷紅 ~ 

                  

 

                 

              藍天下的紅橙黃綠 ~
               

                    

 

  

  

2010-11-8  > 釜山 ~ 內藏山 (天陰)