蛇年開心行大運

2013/02/12

恭賀新禧!  先祝大家蛇年笑口常開! 

大年初三,  約了blog友行大運!  還記得去年行鹿頸, 又凍又落雨!  沿途冷冷清清,  淒淒慘慘戚戚… 啋!  新年流流… sorry sorry!

今年好好彩, 遇上好天氣, 可以去完依度, 去果度!  由鶴藪 > 沙螺洞 > 平山仔 > 鳳園 > 大尾篤;  行程hea中帶緊密;  優閒中出晒汗;  荒廢中見生機;  大自然中見唏噓… 厲害!

鶴藪水塘

沙螺洞

大尾篤的醉人日落

 

 

當中兩位靚女將於三月展開南美之旅,  其中一人還會玩足半年,  現在正為所需携帶的隨身物品而煩惱!  笑話淨係M巾都佔左半喼!   某程度上女性旅遊時最大的煩惱莫過於此喱! 

賞櫻

2013/01/30

以前聽人講去嘉道理農場,  係去睇大肥豬,  睇豬仔,  睇雞仔!   不過,  今時今日,  原來係去賞花!  想不到仲係香港較少的櫻花!  嘩!  一聽到櫻花,  即時想起日本,  好浪漫!  但實情係去過幾次日本的我,  竟然從未賞過櫻花!  失禮晒!

又是晴朗的一天!  因為櫻花集中在觀音山,  於是帶著興奮的心情,  一邊上山,  一邊欣賞沿途好風光!

此情此景, 不禁問一句這是香港嗎?

原先以為好輕鬆, 點知上極都好似未到, 又要捱樓梯, 又要捱大斜路, 又熱又曬… 仲要斷水斷糧!  因為沿途無小食亭, 無汽水機, 失策!

但當見到那燦爛的櫻花出現在眼前時, 什麼辛苦也覺得”抵”呀!

而最最最大又盛放的位於[胡挺生紀念亭],  真係靚到嘩嘩聲!   有點激動哩 ~

 

 

最後,  為大家送上張人比花嬌!  請笑納 ~