撲蝶

上星期六, 反正約了入大埔[馬家大宅]BBQ, 不如順路走一轉[鳳園]學人影下蝴蝶; 見 radhk 影得咁靚, 而我哩個大鄉里又未去過, 點都要去見識下!

當天上午仲係天陰陰, 之前又凍了幾日, 所以打定輸數, 無嘜收穫!

一點鐘到達, 仍然天陰陰, 第一隻蝴蝶出現, 嘩, 好開心! 

幸運地太陽伯伯竟然走左出嚟, 仲愈來愈強勁, 哈哈, 蝴蝶小姐開始出來湊熱鬧了, 好多不同品種,  睇到我心花怒放! 

雖然我部相機無長鏡,  zoom唔到, 技術又不濟,  不過我成日都話, 享受了個過程已很足夠了! 

 

唔記得晒啲名, 淨係記得呢種係燕鳳蝶, 比較特別!  仲有一種叫統帥, 螢光的, 不過影唔到...

在此多謝兩位[龍友], 即場教了我一些影蝴蝶的技巧, 仲做埋講解!  佢地真係好鬼勁,  一睇就講得出個名!

晚上[馬家大宅]BBQ, 當然有我最喜歡的海鮮, 成條青魚燒, 原汁原味, 正!

大 project!

終於完成了一個大project!  好開心, 好感動!  成晚笑到縐紋都出晒嚟!
不過最最最失策係選錯了晚禮服, 唔係靚唔靚嘅問題, 最衰係條裙成日下滑, 成晚要就住, 好鬼煩! 以後咪攪我!

好忙, 唔得閒影相,  趁未進場, 係新娘房影番張先; 不過專業攝影師好似幫我影左啲, 應該會影得我靚啲掛!

整裝待發, 為這個特別的日子揭開序幕.

新娘子Kerrie 係名副其實的開心果, 深深的梨渦配上燦爛的笑容, 令身邊每一個人都態感受她的幸福! 祝一對新人在美國生活得開開心心!  

當晚六個伴娘伴郎,  最終有三個醉倒了!  太開心喇!  我?  緊係無事, 邊有咁流呀!  哼 ~