高 + 索 ~ 亞美尼亞 (V)

2012/04/13 のLori

今日是留在[亞美尼亞]的最後一天了, 有點不捨喱!  到現在仍然時刻回味著那幾天的點點滴滴, 溫馨而難忘!

早上, 在 city 走走, 其實離開山區, 基本上這裡跟歐洲其他二線城市很接近!

團友們要求逛街市, 講真, 我興趣不大, 就當見識下, 所以無咩影相!  不過, 原來街市入面有唔少型男喎,  估佢唔到 ~

代表人物當然係在facebook以大比數勝出嘅憂鬱的雞佬!

 

Saghmossavank Monastery

 

Lunch time時, 導遊 Nune突然送我們一人一份禮物, 除了紀念品, 還有一張團體相, 噢!  好窩心啊!  有心思!  不過最搞嘢係張相竟然有隻老臨狗狗 (左下) 扮不經意地經過, 搏上境!   哈哈 ~

跟住我們就好似小學生畢業寫紀念冊, 互相寫上祝福語或感受, 好那些年! 

Sanahin Monastery (10^th c.)

每日一跳又嚟喇!  就係這樣日日跳跳跳, 再加上每日朝八晚十一 (at least),  個個都活力充沛, 真係勁過啲十八廿二!  難怪返嚟瘦左四磅!  意外收穫!

 

黃昏, 離開[亞美]返回[格老], 在車上已發現唔見十天, 窗外景色好似已經由我們初抵步的冬季, 變成春夏季了!  嘩!  變化之大, 仲厲害過女人!

(Photo by Radhk)

由於明天已是尾聲, 晚餐緊係要食好啲, 飲杯!

飯後, 還有特別節目…就係獻出我們的第一次… 齊齊去土耳其浴!

查實哩… Um… 過程就先浸浸大浴池, 然後續個瞓上大石檯 (雲石?), 有點肉隨鉆板上的感覺, 由大隻嬸嬸幫我們沖涼, 擦擦身, 再搞到你成身香皂泡泡, 作輕度按摩, 再淋你幾桶熱水, 禮成!  雖然唔係好夠喉, 但都幾舒服!  只不過, 最後竟然得條疑似檯布(床單)比你抺身!  都算先進! 

 

p.s.  今晚同Mak Mak 食飯, 講開在[亞美]買的乾果朱古力好好味!  吓!  我無買喎!  因為本身唔好零食,  所以連導遊請果粒都比左兜兜, 連試都無試過!  可惜已經隔左咁耐, 其他團友都話食晒lu!  噢 ~   

高 + 索 ~ 亞美尼亞 (IV)

2010/04/12 @ Yeveran

Yeveran為國家首都, 舉世著名的古城之一; 地勢較高, 海拔 900 - 1300 米, 空氣潔淨, 陽光充沛, 舉目遠眺, 四週可見白皓皓的雪山!  讓人感覺寧靜和平! 

 

Mount Ararat 是[亞美尼亞]的聖山, 也是傳說中挪亞方舟最後停泊的地方; 但如今卻在土耳其的管轄之內!  所以明明近在咫尺, 遺憾地他們卻無緣攀上!

講講[亞美]的國旗, 由紅, 藍, 橙三種顏色組成;  紅色象徵烈士的鮮血和國家革命的勝利; 藍色代表豐富的資源; 而橙色象徵光明, 幸福和希望! 從顏色的表示, 可以想像到[亞美]的歷史背景, 以及對未來的冀盼!

今日行程原本好岩我, 因為上下午都去酒窖試酒!
 

第一站參觀 Brandy Factory, 雖然我平時飲開酒, 而且自問酒量唔錯! 但 Brandy 就好少嘗試! 可能就是這原故, 飲嘅時候唔覺唔覺, 自己又懶醒兼任性!   五杯落肚後，就正所謂[醉過方知酒濃, 愛過才知情重]!   跟住只好留在旅遊車休息, miss 左一個景點，有少少可惜!

　

 

Khor Virap    就在Mount Ararat 山腳, 由於事出突然, 本人只能跟她來個遠距離接觸!  大家睇下師傅影啲相,  靚到呢 ~

而我們今日午餐地方很特別，是經過幾個山峰後才到達的山洞餐廳！簡樸的原始風味！幾得意　～

食完午飯, 又一條好漢!  下午, 參觀紅酒窖, 當然 no problem啦!　只是依度啲酒唔係好掂！

就在離開酒窖之際，我們見到在一片看似荒癈的田野上，有一個年紀老邁的婆婆在拾柴枝，熱心團友見到便走去幫手，反被婆婆嫌佢地阻手阻腳，好好笑！但跟住窩心團友為她拍照後，即時印番張相給婆婆，她又會感動到眼濕濕!　真係憑著愛，我信有出路.... 





大家睇下婆婆都費事理佢地 ~    

九十歲的婆婆，我當時想，究竟她一生中影過幾多次相呢?

Noravank (13^th century)
坐落在磚紅色峭壁的修道院,  二層的設計較特別!

回程時，　日落帶我們進入一個奇幻的境界！　太陽的餘輝穿過厚厚的雲層時，　所灑下的陽光，　仿如UFO降落地球!

 
之後天空上更出現了像帶了面罩的一雙眼睛在窺探著大地！

 

高 + 索 ~ 亞美尼亞 (III)

2010/04/11 @ Etchmiadzin

經過昨日黃巴士事件, 大家的情緒持續高漲!  可能我地九男女實在太招搖, 否則在[亞美]的奇遇會如此一浪接一浪? 

在[亞美]主要參觀的景點大多是修道院和教堂, 從中被他們那份真緻而虔誠的心, 深深受感動! 其實堅持自己的信仰就是如此簡單, 只需做好自己! 心善則美; 心誠則靈!

St. Hripsime Church (7th century),  於2000 年列入UNESCO.

每日一跳, 無限歡笑 ~    連司機都跟我們一起 jump jump jump!

今天早上在Etchmiadzin 參觀大教堂時, 在門口竟然給我們遇上了當地的天皇天后,   經導遊解釋, 其中 Shusan Petrossian 更是嚮噹噹級數呢!  原來這星期是國會選舉, 他們來這裏助選, 造勢!  難得他們如此平易近人,  同我們來個大合照! 

Etchmiadzin Cathedral

 

 

由於機會難逢, 我們在香港沒有投票權, 投入程度當然大減;  於是便提出去湊下熱閙  , 齊齊過去造勢大會睇睇!

嘩!  好多人呀!  十足嘉年華會!  又唱歌, 又跳舞!  我仲走去跳埋一份哩!  工作人員(助選團)見到我們這些陌生面孔, 一一邀請我們合照!  混亂而搞笑! 






Mak Mak直情記者上身, 一枝箭標左上前採訪, 又真係給她影到現任總統的照片, 果然係做記者出身!  大家話我們係咪勁呀?  天皇天后, 總統都給我們遇上! 

可能是假期的關係, 沿途遇到不少學生, 好奇的小孩們熱情地圍著我們合照!  一張張單純快樂的面孔, 在感染著我們的心!  在沒有牆的世界, 人與人之間可以如此貼近!  真心相向, 是這次旅程中的重大收穫!

Zvartnots Cathedral (7th century)

The Museum of Ancient Manuscripts，是手稿寶庫,  還有記錄了［亞美］文字的由來。

好大本有成六百頁的羊皮書, 仍然保住完好!

Dramatic and Tragic Museum – 有關發生於1915年土耳其 Ottoman帝國的大屠殺, 據統計約一百五十萬人遇害!　好唔想提起，但正如團友所講，歷史係應該正視，唔係逃避！

P.S.  唔知各位有無留意, 在我今次 [高 + 索]的網誌中, 放上很多集體相; 主要是我覺得依度係我個人的旅行日記, 快樂回憶!  而今次讓我最難忘的就是人, 當中包括我的團友!  所以希望團友們明白, 唔好介意!   

反正睇靚相可以去 Radhk 的網誌 http://blog.yahoo.com/radhk/articles/570893/index

要深情感性可以探探舸兒  http://blog.yahoo.com/geer/articles/page/1 

當然超級領隊Mak Mak 也不容錯過  http://blog.yahoo.com/round-the-world-cafe/articles/614655#comment-item-824678


都話我班團友勁啦!   哼!   物以類聚嘛!   嘻嘻 ~