高 + 索 ~ 阿塞拜彊 (I)

2012/04/05
のSheki - Shamakhy

由[魯格]到[阿塞拜彊], 我相信最不習慣是食物, 選擇少之餘, 多數的肉食都是燒烤,  但燒到又乾又鞋! 啲頭盆沙律仲好笑, 係原件上, 即一串串蕃茄, 一碌碌青瓜, 一枝枝芫茜蔥,  新鮮!  搞到我地做晒兔子, 綿羊!  

去過伊朗的朋友們都說Sheki 無論建築物和人物, 都帶點伊朗味道.






Sheki Khan’s palace - XVIII c
舊皇宮 - 內部分開不同的房間,  各具特色!  但好可惜不可拍照! 

大門的ceiling 是玻璃裝飾

 

跟住去參觀History museum, 規模不大, 展品也不多; 興趣不大!

 

應該是[阿塞拜彊]導遊高班唯一的一張相, 唔知點解我地真係無同佢影過相; Nani 肯定有過百張相,  Nune 應該都唔少,  所以幾時都話靚女著數啲喇!  

老豆我就唔係好岩, 反而同佢個仔就有合照,  最欣賞他的all front 髮型! 




臨離開 Seki, 還參觀了一間回教寺, 但又係唔比影相 !  噢 ~  不過主持人伯伯十分好客, 係都要留我們飲杯茶, 食下茶點 !  好熱情!

其實初初我覺得這裡的人好似有點cool，但只要同佢地講句(Salam) - Hello / ( Sagol) – Thank you, 他們便會跟你微笑！繼而最鍾意問你係邊度嚟！　

下午由Sheki to Baku, 車程頗長, 差不多四小時,  途經Shamakhy 的 Seven Domes;  古時的家庭式墓穴, 無咩特別!   不過沿途風景唔錯,  成日見到雪山!

 

 

終於到達首都Baku, 即時感覺先進好多!




因為導遊高班係按章工作的人,  準時收工,  問佢食飯有咩餐廳好介紹,  永遠都係講完一大輪後, 其實係無答案嘅!   你地話高班唔高班?   咁我地唯有在酒店附近搵食,  在一間蛋糕店內, 靚仔店員介紹了一間超高級餐廳給我們,  但去到竟然無位!  跟住搵嚟搵去, 只搵到間小店, 又嚟雞同鴨講,  於是走埋入廚房, 自己睇下有咩嘢食, 當然都係果幾款!  今次醒呀, 比我地見到蕃茄, 雞蛋,  咁就嚟蕃茄炒蛋囉!   Mak Mak 仲親自下廚, 搞到好熱鬧! 

我們一邊食,  一邊有不同人物無喇喇走嚟叫我地影相, 好搞笑!   開始感覺到[高加索]的熱情!

和店主一家合照, 大家請留意檯面上的食物, 今餐就係得咁多多!

由於又係食唔飽, 大家齊齊又要食杯麵!  Again!