高 + 索 ~ 亞美尼亞 (I)

2012/04/09 の Dilijan

幸運遇上你...妳....你....人的相遇, 是巧合, 也是緣份!

今次旅程之所以令人難忘, 其實很大因素是配合了天時, 地利, 人和...

對於[高加索], 之前實在半點認識也沒有; 我依個團友, 只是人去我又去! 反正團友中不乏猛人, 我跟大隊, 好簡單!

明明是在一個陌生的國度, 明明是我們先出於好奇, 明明是經歷了無數次的戰亂, 明明是被鄰國 排擠, 明明是孤立無援, 明明是比較落後, 明明是先天不足...... 但原來以上全都不重要, 重要是個人的心態!  原來心存希望, 便沒有難關!  障礙只是帶來暫時的不便, 並不一定是不幸!

在[亞美尼亞], 感受很深! 藍天下美麗如瑞士雪山的景色, 令人神往! 

山中荒癈了的大型工場廠房, 整齊有緻的難民營, 令人產生無限聯想!

大屠剎博物館, 令人傷痛!  本人最怕就係去依類博物館, 總係......

(Photo by radhk)

但最令人懷念的是他們那份樂天, 熱情, 豁達....

在[亞美]過關, 算是今次旅程中最簡單了, 只需填妥表格, 相片一張, US$10.-, 搞掂! 不過, 關卡得一個咁大把, 要等下囉!   而當地靚女導遊 Nune 已在等我們 , 一個美麗善良的小姑娘, 惹人喜愛!

[亞美尼亞]位於群山中,  沿途經過很多山中村落, 首先盡入眼底的竟然是滿山膠袋, 到依家都唔明啲膠袋係邊度嚟?  幸而過了一段山路, 便漸入佳景!

會合靚女導遊後,  第一個景點是Haghpat Monastery (10-13^th cc. ) ;  歷史悠久的[亞美尼亞]教堂結構堅固, 大多為防禦, 都建在山頂或山中;  而Haghpat Monastery始建於九世紀, 屬於拜占庭式的基督教教堂, 其設計之工整,  是十至十三世紀的宗教建築之傑出藝術典範 , 於1996年被列入UNESCO ; 而當時有500 多名修道士, 是基督教在[亞美]地區的傳導中心之一 .

豎立於1273年的Amenaprkich (意解: 所有的救星)石碑.

主教墓地

皇室墓穴之一

在沒有任何資金支助下, 內部的壁畫算是保持得很不錯了! 

中央大圓頂,  由四根立柱支撐, 光線可直射入教堂, 全天然採光, 意境一流 ~

午餐後, 往是有小瑞士之稱的Dilijan, 風景確係唔錯噃!












之但係感覺總是有點怪,  街上人都唔多個, 商店又好似好耐無開門, 成個死城咁!









團友仲講笑話入夜可能會有殭屍出現!   就當大家影影下相, 突然只剩下我同另一團友, 其餘啲人唔見晒!  連影都無埋!  好詭異 ~

不過, 專業攝影師話, 依啲才是o靚模拍寫真的好地方喎!  講開拍寫真, 原來真係好難架!  一大班人柴娃娃就好地地, 但影單人相就好唔自然!  初初真係好唔慣, 成日比師傅[陰]我, 比佢偷影左都唔知呀!  仲笑我個樣 [On 居], 激氣! 




臨返回酒店, Nune 教我們跳下舞, 大家即時年青晒!  我們第一張九男女大合照就是由她拍下, 大家睇下, 似唔似中學生去旅行?  哈哈! 係咪好羨慕呢?

當晚住間resort 好正!  晚餐時間, 成間餐廳得我們一台客, 但已搞到個waiter 好鬼忙, 黑晒面; 只見落單又係佢 (因另一個唔識英文), 跟住見佢走入廚房; 之後我們要加單, 佢又要出番嚟 (依次見佢捲起晒衣袖); 我地開始懷疑, 唔通佢係一腳踢, 大廚都撈埋?  食食下又想叫酒飲... 又嚟?  你班友係咪玩嘢先?




Resort 位於在海拔1900米的高地的Sevan Lake 旁邊,  是世上其中一個最大的高山湖泊.  
雖然影唔到日落美景, 但這藍調也不錯呢 ~