[港燦]遊澳門

我呢個[港燦]懷著興奮的心情, 晨咁早就過大海會合其他blog友! 好彩今次有人陪, 唔洗一個人烚下烚下!

搭shuttle bus過氹仔, 嘩! 啲酒店多到丫! 究竟有無咁多客呀? 
第一個節目係[馬克]極力推介在[新濠]的免費show, 真係幾精彩! 值得一看!

[威尼斯], 噢, 假成咁, 唔鍾意! 

在[唐吉柯德]食午餐, 講起食我就最開心, 好鍾意一班朋友邊飲邊食邊吹水! 

至於食物質素, 睇下就知有幾好味!

嘆完個lunch, Mak Mak 同 Mark 帶我地行街街, 都係蠻有特色的小街, 還有傳統葡式大宅; 雖然好曬, 但我地班靚女影得好開心!

真係曬到燶晒!  好耐無影過咁大張單人相, 多謝[馬克]!

剛好有荷花展, 啲花靚到好似假咁!

陽光折射下的彩色天空, 正!

[婆仔屋], 其實是藝術展覽館, 幾得意!

在[大三巴]嚟張幾鬼老土的大合照! 嘻嘻!

雖然今次有啲地方未去到, 有啲想食的又未食到,  帶著小小遺憾;  但咁都好, 留番下次, 又當自己第一次嚟澳門囉!  咁先好玩嘛!

煎牛扒..

啲人成日話, 要留住妳身邊的男人, 先要留住他的胃!  如果係事實的話, 我一定係要[攝灶罅]果隻!

Sogo前排大減價, 我膽粗粗落重本買了隻 Le creuset 煎pan, 是Sam哥高度推介的牌子. 佢仲好好人上星期六邀請我去他屋企dinner, 順便教我整啲最易入門的菜式! (唔知係唔係好友都驚我臨門脫腳…)

又嚟Sam哥私房菜!  Yeah! 

真係有晒Menu, 好認真ga!

Cloudy Bay White Wine + Salad, 醒醒胃先

Mussels in White Wine, 好好食, 正!  呢個都幾易整, 我應該O.K.

Lobster cream soup, 嘩, 好味! 不過, 呢個太複雜, 太多工夫!  暫時唔好預我!

本來Sam哥想整紅酒燴牛尾, 但為了就我的level, 改最易做的煎牛扒, rib eye steak

真係好似好易喎, 煎先放調味, 海鹽 + 黑胡椒, 每面煎三分鐘 (六成熟), 再加自己喜歡的配菜, 完成!  Easy job啦! 

不需任何sauce,  更加嘗到真味!  但係今次略為熟左小小...

最後食埋個fruit tart + ice cream, 嘆埋杯果茶!  傾下, 講下, 煮下, 由四點幾食到十一點, 好滿足啊!  Sam哥多謝晒, 放心,  I will try my best! 

個fruit tart上面的生果係我鋪的, 整得唔夠靚呢!  Sorry...