情迷西西里 ~ 天與地

~  在甲板上吹著海風  ~

                           ~  在車上發呆  ~

                ~  在泳池旁矇矓中  ~

                  ~  走在街上尋找酒吧睇世界杯途中  ~

                                      ~ 暴曬中  ~

估唔到外表[岩杉]的仙人掌也可以長出這樣嬌俏的小花

蝸牛花, 大家見過未?  究竟佢地攪咩呢? 曬太陽?  

情迷西西里 ~ 戀上藍

唔好意思, 個標題又嚟玩老抄! 

話時話, 雖然去左旅行, 但四年一度嘅世界杯, 我又點會錯過!  而且時差關係, 每晚八點半仲可以睇番場波, 唔洗捱眼瞓 tim!  不過, 初段有幾場的賽果確實令人意外!  

陽光與海灘, 我的至愛!  6月的西西里/馬耳他, 好曬!  除了塊面曬到似地圖, 雙手臂仲起晒粒粒, 因為太乾燥! 

西西里/馬耳他的海, 好藍, 好清, 每次見到都好想即刻跳落去!   所以忍唔住要打尖出左 Day 3 的行程先!

(Day 3) 拿坡里 > 卡普里島 (Naples > Capri Island)

早上乘遊覽船前往意大利南部著名渡假勝地 ~ 卡普里島.

海天一色,  配上小白屋, 很有希臘風情的小島! 不過得個睇字,  只有船仔坐,  無得落水! 有點可惜啊!

坐單座位cable car上山, 雖然有畏高的我有點驚, 但因沿途掛住影相, 連驚都唔記得.

山上佈滿著鮮花, 在熾熱的陽光下, 伴著我上山! 

由山上看到全景,  啲海水仲係好藍啊!  仲可以見到底呢!

山上的另一邊, 又有不一樣的風光!  可能背光, 我未識掌握, 啲顏色有啲怪!

係咪有點似桂林呢?

今日的重點是乘船仔參觀藍洞,  由於入口位太低, 依個行程經常因天氣或水位問題而取消;  當然我時運高, 順利進入!

入洞時, 船上所有人要瞓低晒, 否則除時中頭獎!   大家請留意中間果位船伕後面的就是洞口, 見唔見左邊船上的乘客已瞓低準備.

嘩!  啲水真係冰藍色, 唔你打燈 ga;  不過,  自己手腳慢, 影唔切!  有時傻瓜機也有它的好處, 方便快捷!

2010 ~ 情迷西西里 ~ 歡顏

情迷西西里

哩個標題擺明係老抄, 但實在太貼切, 搵唔到更貼題的形容詞! 

超開心, 除了因為天時, 地利, 今次再加上人和! 

可能真係年紀大喇,  好友開始懂得放下, 懂得接受; 看到她發自內心的笑顏, 希望她真的能舒坦地享受生活!  又大一歲了, 做人又何需時刻掹得自己太緊呢!

今次的起心肝, 帶大機出發, 仲係第一次用新鏡頭, 懶勁咁!   雖然出來的效果麻麻地,  跟自己眼見相差很遠,  但其實一切已藏在心中,  已印在腦中!  

我一向唔係好鍾意影人, 但今次作出不少嘗試,  希望能做出靚人靚景啦!

哩張雖然 focus out 在,  但我好鍾意,  開心嘛!  心情靚緊要過張相靚囉!

哩張仲離譜, 爆晒光, 都唔知衰左邊瓣?  不過,  我 like 喎!  依度係我地頭,  鍾意放邊張就邊張!  嘻嘻 ~ 

德國(童話、羅曼蒂克之路) ~ 8

~ 睇番個日子, 原來已經係兩個月前,  真係時光飛逝!  希望在下一次出發前,  可以完成埋佢!   (不過, 邊個理我喎?  係我自己知之嘛!) 

2010年4月4日 ~ 波恩 (Bonn) ~ 萊茵河谷 (Rhine Valley) ~ 羅德森古城 (Rudesheim)

昔日西德的首都 – 波恩, 古城老街仍然保留原貌, 寧靜而優雅.  其實幾日來德國給我的感覺也是如止!

假日的街道, 真係人都唔多個, 車都唔多架, 可以大搖大擺過馬路!

貝多芬銅像及故居

下午,  來到萊茵河谷,   沿途風光如畫,  只可惜天色有點昏暗.

古老小城羅德森古城,  街道彎彎曲曲,  仍保留著十二世紀的模樣. 

好漂亮的郵筒, 啲色靚到!

High tea 時間, 緊係要嘆番杯當地出名的咖啡, 加件cake!

好專業, 要加酒後, 點火, 放 cream,  再灑朱古力粉 !  好好味啊!

• 旅遊,
• 歐、美、澳