探索[高 + 索]

今個星期開始,   心情有點興奮!  內心成日想著[高 + 索],  [高 + 索]… 哼!  妳就想, 咪發夢喇!  係[高加索]至真,  一個對我嚟講完全陌生的地方! 

咁即係去邊度?      即係阿塞拜彊, 格魯吉亞, 亞美尼亞! 

咁實在係邊處?       就係俄羅斯, 土耳其, 伊朗中間! 

哈! 係咪好型呢!  由原本無我份的四人行 >  六人行 >  (比我攝到位後) 八人行 >  最後竟然 > > >  搞出[九]男女!  分成兩組,  第一組成員六人, 包括我, 為期十六日, 星期六(31/3) 先出發; 第二組成員三人, 下星期五(6/4) 才出發, 真熱鬧!  

出發前, 大家已為簽證問題考起!  淨係申請番本BNO, 已斬你$1,800.-,  我仲要去左兩次,  因N年前舊果本不見了,  一定先要去警局報失;  跟住又話張証件相唔合格 (不可露齒!  要係果度影過, 影到鬼咁樣衰, 激氣)! 
希望旅程順順利利!  驚喜百出!  Mark 仲話果度干邑, 紅酒,  魚子醬都好出名,  Yeah!  今日即刻去銀行唱定多啲美金!

剛剛上星期六, 才在 Sam 哥屋企食過, 依家仲回味緊 ~
 

昨晚開茶會, 大家都異常興奮!   第一組團友認真認真,  睇書,  查資料,  做足功課!  Felix 仲印埋大大張地圖出嚟,  向大家講解今次的路線!  厲害啊!        第二組即時心虛,  有壓力!    嘻嘻 ~