輸人唔輸陣

2012 倫敦奧運完滿閉幕，　暫時告別捱眼瞓！

閉幕禮以「英國音樂」作主題，將過去半世紀的英倫音樂串連一起，　像似一個大型party, 好好feel! 這個由曾執導多個大型演唱會的英國導演金加文設計的音樂之旅，穿插近30首歌，由古典音樂到近代的搖滾樂，傳統中不失創意。　多位著名歌手，包括George Michael、組合Queen，　以及解散多年的Spice Girls有參與演出。　而John Lennon ～　Imagine真係經典中嘅經典，　每次聽都仍然好有感觸！

我覺得倫敦今屆的開幕同閉幕禮都搞得好有氣氛，　值得一讚！　既然不能與上屆京奧的大場面相比，　就以心思取勝；　妳錢多，　我[橋]多；　妳人多，　我歌多；　妳靚女多，　我諧星多；　妳賣認真，　我賣幽默，　賣氣氛；　連英女皇都玩埋一份，　問你服唔服？

咁多場賽事中，　最難忘當然是我至愛的男單羽毛球決賽　＞　林丹　ｖｓ　李宗偉。　好精彩，　好無奈！　賽後，　為李宗偉再次落敗而流淚！　年界三十的他，　相信下一屆能爭金嘅機會好渺茫！　賽後他接受訪問說出這句話：　世上只有一個林丹 很遺憾沒能取勝！

最怕見到男人喊 ~ 

而識英雄重英雄的林丹賽後也表示: 沒有李宗偉的執著，就沒有林丹的升華。李宗偉與自己的奧運第一金擦肩而過，就算他這一生都無法取得這金牌，但是他沒有失敗過。

而港羽毛球代表葉姵延「黑妹」，在奧運女單八強賽事面對本屆第3號種籽、國家隊球手李雪芮;　在第二局二十比十六領先下，　被對手追贏！　唉！　此終技不如人,   李雪苪最終仲攞埋金牌,  無話抵唔抵，繼續努力啦！  最重要能把自己的最好發揮出來,  打場好波!   在大型比賽中, 心理素質也會直接影響表現,  我覺得葉在控制情緒方面仍有待磨練!

   

李慧詩在女子場地單車凱林賽中，為香港摘取歷來第3面奧運獎牌，　亦是首面銅牌。　實在令人鼓舞，　感動加激動！　今次流嘅係激動的淚！  衷心向魔鬼教練沈金康致敬,  正所謂千里馬常有，但伯樂卻難求。
  

喜歡她的真, 喜歡她如陽光般的燦爛笑容 ~  

中國游泳選手孫楊也不得不提，　不過最好笑及驚險是他在男子1500米自由泳決賽中偷步搶跳！　嘩！　真係比佢嚇餐死！　好彩比賽隨後重新開始。　佢當時跳左落水望住裁判個樣真係好搞笑！

 

*******************************************************************

 

唔知係咪容易笑嘅人, 亦會容易哭?  識我嘅朋友都知我屬愛笑一族,  仲經常笑到標眼淚!  所以臉上啲表情紋特別多, 特別深!  開心係要付出代價嘅!  最近同好友食飯講開[步步驚心],  我話後尾幾集睇到喊濕左成張Tempo!  跟住下午重播[大長金]又睇到喊!  唉吔!  [長金]媽媽係山洞死果幕真係惗起都仲想喊!  韓尚宮被逼害而死又係好慘呀! 
睇奧運, 因為傷心流淚, 因為開心流淚, 因為感動流淚!  跟住老友笑我係喊包!  無鬼用!  雖然已經時隔六年, 但每次聽到當年在爸爸葬禮所播的[愛是不保留],  淚還是會掉下來…