韓之風光

2012/9/14 ~ 2012/9/22

整個行程中, 我相信團友們最愛慶州和全州; 景色優美, 環境清幽!  可能暑假剛完結, 又未到賞紅葉的日子, 所以沿途遊人不多, 好讓我們能安靜而悠閒地享受著韓之初秋! 最開心係朋友們都很滿意我的安排, 讓她們認識到多方面的韓國!  唔係淨係得shopping嘅！哈哈哈… 講到我好似好勁咁! 

其實我自己都覺得真係唔錯, 九天行程,  理性與失控各佔一半:  慶州 > 釜山 > 全州 > 首爾,  間住間住嚟玩,  唔會一面倒!  盡量滿足了各人的要求!  而且班大姐大都是嘆慣之人, 不能太操勞, 一日要食足四餐,  所以肥左又靚左返嚟!  Yeah! 

在慶州的酒店浸溫泉時發現了韓女沖涼的特性,  就是她們非常十分注重擦身這步驟, 看她們由洗頭開始,  沖涼,  然後用百潔布大大力擦身(唔係講笑, 真係好大力!)  再用挫磨手肘, 磨腳肘; 再一隻隻手指, 腳指慢慢磨, 慢慢捽…足足用左一粒鐘有多, 我們浸完走人, 佢地仍然未捽完!  厲害啊!   抵人地又白又滑!

慶州之風光 
(因天雨關係, 影相不多!)

 

 

 

 

 

 

 

 

重點推介(一) ~ 全州馬耳山, 塔山

 

 

 

 

 

 

 

 

 

 

 

 

 

 

 

 

重點推介 (二) ~ 全州韓屋村

 

明天又再出發了!  在此先祝大家中秋節快樂, 人月兩團圓! 

 

 

 

 

 

 

 

 

 

韓之屋

2012/9/14 ~ 2012/9/22

晨雞咁早到達釜山機場, 換完錢, 食埋早餐, 便直接搭高速巴士往慶州 9,000 won, 舒適又方便,  需時約一小時!  到達慶州車站, 在information centre 取了中文及韓文地圖各一份, 主要是問路時作對照! 今次住Kolon Hotel, 交通方便, 環境一流, 走路便可往佛國寺, 門口有巴士站, 乘10, 11號車(1,500 won)可前往不少主要景點; 而且仲有溫泉, 個個都話正!

慶州是個很舒服的地方, 感覺充滿靈氣!  我們兩日行程遊了佛國寺、石窟庵、大陵苑、瞻星臺、雁鴨池、校洞街區、普門湖巨木水車區等. 可惜天氣欠佳, 兩天都下著雨, 影相有點麻煩!  我還發生了小意外, PK哩!  失禮晒!

吸收了兩日天地靈氣, 由慶州返回釜山; 原本兩天的行程是雲海臺、札嘎其市場、梵魚寺、鎮海帝皇山、 余佐川櫻花大道.  但雨還是不停的下著,  之後一日還遇上颱風, 最後除了去了札嘎其市場嘆左個豐富海鮮午餐, 其餘唯一可去的地方是樂天百貨公司!  就係咁, 搞到大家爆晒喼, 超晒磅, 失晒控 (賴得就賴喇喂!)  所以雖然行程有變,  但個個都好開心喎!  唉!  女人! 

只是短短大半天, 兩個墟的收穫!

我個人收到的贈品,  也挺豐富!

瘋狂完又係時候洗滌下心靈, 由釜山往全州, 坐高速巴士要三個多小時. 重點推介韓屋村、馬耳山道立公園及塔寺!  入住Core Riviera Hotel, 是今次行程最貴的一間, 138,000 won/晚, 主要是選擇不多, 而且酒店後面便是韓屋村, 好方便!

漂亮而傳統的韓屋, 一磚, 一瓦, 一木, 大家都愛死哩! 

 

韓之秋色

2012/9/14 ~ 2012/9/22

 

九天韓之旅超額, 超磅完成!  今次同行合共兩個墟, 認真不簡單!  女人一多就容易出事, 尤其是血拚時! 總是隔離飯香啲, 人買你又買, 你一言, 我一語, bilibala, 好熱鬧!

由於幾位大姐大平時都是跟開旅行團, 所以今次整個行程由本人負責及安排, 難得大家對我如此信任!  鬼咩, 成班都係大忙人, 最緊要唔好煩佢地!  咁我就隨自己的意願, 雖然紅葉未係時候, 但正直初秋, 郊遊行山也是不錯的選擇, 於是選了全羅北道的慶州及全州!

先為大家添上一點點秋意…

 

資深的blog友, 請不要跟我兩年前內藏山那一次的紅葉相比!  人是應該活在當下!