濟州 (三) 行山啊!

2013/03/30 ~ 2013/04/06

睇到大家在上一篇嘅比面回應, 開心之餘就有如打左支強心針, 好過食補品呀!  多謝晒! 

近幾次遊韓國, 盡可能會選擇行下山; 原因是韓國的行山風氣很盛, 所以路線和設施都很完善, 加上沿途風景優美, 對於遊客來說, 可謂相得益彰!

而且今次最好是自駕遊, 大多時候鍾意停就停, 可以好隨意! 

城山日出峰, 濟州其中一個必到景點!  有山有水, 地傑人靈!

 

 

 

一路上山也是行這樣子的樓級, 係咪easy 呀!

 

 

濟州的海女, 雖然已一把年紀,  最年長的已八十三歲,  仍然謹守崗位,  為遊客免費表演! 

 

 

雖然好明顯係hea住做, 但點都要鼓勵下, 幫她們買了鮑魚和大眼螺, 50,000 won, 好鮮味, 不過就好[un]囉! 

 

 

 

 

今次濟州春田花花愉快之旅結束了, 唯一有點美中不足是shopping 太少!  跟上年九月同兩個墟真是差天共地!  所以話去旅遊, 不同的伴, 會出現不一樣的旅程! 

 

 

 

 

 

濟州 (二) 油菜花啊!

2013/03/30 ~ 2013/04/06

大家欣賞完嬌艷欲滴的櫻花後, 另一主角係時候出場了 > > > 油菜花! 

今次好好彩, 時間上的配合, 讓我們一次旅程能有兩種享受!  雖然, 已經不是第一次見到如此大型的油菜花田,  但當發現她不只出現在田野間, 而是可以沿途無處不在時, 仍然難禁內心那喜悅!

濟州市政府也確實值得一讚, 環境市容優美整潔, 道路兩旁滿是色彩繽紛的花圃,  令人心懭神怡! 

(Photo by Alice)

最重要是花的路線也經過刻意安排, 像我們第一日走機場市中心的1135 路線, 沿途是櫻花樹; 而第二日往[城山日出峰]走1132 路線, 沿途盡是油菜花田!   好週到!

 

 

 

唔好意思, 太開心, 忍唔住整張人比花嬌!  哈哈 ~  (唔好柴舞臺啊!)

 

連海邊也有她的芳蹤喱!

 

 

 

總括而言, 可以說[春田花花在濟州, 心情開朗沒煩憂]!    

 

 

 

 

 

濟州 (一) 櫻花啊!

2013/03/30 ~ 2013/04/06

前陣子,  因搬屋及做手術關係,  足足半年沒有外遊!    終於復活節, 復活了!  Wahhaha…

近近地選擇了首爾 + 濟州, 主要是想賞櫻花!  幾十歲人, 還未真真正正睇過大大型的櫻花呢! 

今次在濟州, 作出另一新嘗試, 住民宿 + 自駕遊!  原來依家的GPS 非常先進, 好容易handle, 而且租車價錢合理, 我們一行四人租了三天半, 車租120,000 won, 加全保 80,000 won, 合共港幣$1,400.- 好抵!  值得推介!   還附隨車附設行動wifi,  超方便!  

KT Rental (KT Kumho Rental) 網站：www.ktkumhorent.com (英文) 電話：064 751 8000

幸運地今次可一償心願, 欣賞到正盛放著的櫻花!  仲唔只, 原來春天的濟州實在是萬紫千紅!  四處充斥著春天的氛圍,  好浪漫!  難怪有蜜月島之美喻!

先為大家送上嬌艷如少女般的櫻花!   第一天, 陽光普照, 影大特寫認真一流!

 

第三天, 天有點灰, 但也因如此, 當風吹時,  嘩!  那隨風飄落的片片櫻花, 像下雪… 櫻花雪啊!  身歷其境時, 感動得眼濕濕喱 ~

下一集, 油菜花登場... 不容錯過!