講遊西班牙已講左幾年, 有兩次都臨門脫腳! 哈哈! 今次有Sam哥帶隊, 就實穩陣囉!
今次旅程不作詳細描述, 只寫每站的亮點!
第一站 > 馬德里; 一講馬德里, 鍾意足球的朋友一定會即時想起超班勁旅[皇家馬德里]! 幸運地撞岩那星期六他們主場有賽事, 我們當然不會放過這大好機會, 拿拿淋走去踫踫運氣買門票! 可能不是甚麼大賽事, 竟然又仲有得賣! 原本想買貴少少, 坐前啲, 人一世, 物一世嘛! 可惜100 euro的只餘單丁位, 我們一行五人又唔想分開坐, 最後唯有買65 euro, 山腰之上! Anyway, 可以和六萬人一齊歡呼吶喊睇波, 真係超興奮!
搭Metro 好容易便到達, 而且有好多個入口, 所以沒有想像中的萬人空巷!
(照片上的時間是香港時間, 快左六個鐘!) 
每次皇馬一入波, 很自然地便和後面班 die hard fans 擊掌! Wow… yeah yeah yeah… 好 high 架!
嘩! C朗呀! 出埸時最多掌聲! 也難怪, 靚仔, 仲要好腳法! 頂!
有型領隊摩連奴, 掌聲之多緊次於 C朗! 下季離開皇馬, 返回英超!
坐到咁鬼高, 又無大機, 緊係影唔到大頭相! 唯一有點美中不足!
右下方 7號仔C朗準備射罰球!
最終賽果皇馬勝 4 : 3! 咁多入球, 抵睇喇 ~
