秋.日の恋 (八) - 新宿

2008年10月11日 – 新宿

今日靚女話去行 [代官山], 未行過! 終於又係一條街就行了一日.  呢處有好多好嘢! 啲shop仔細細間各有特色, 而且價錢合理, 買細件嘢好岩.

驟雨後的陽光....

 

轉下口味, 食pizza, 好簡單的配料, 卻好好味! 加埋Rose Wine，　掂！

紫色玫瑰, 好靚啊, 日本的flower arrangement 真係有一手!

今次係第三次遊東京, 唔知係我自己有錢左? 定係呢幾年香港的物價實在太高漲?　 呢次覺得日本啲嘢都唔係好貴喎! 好似無加過價咁!（除了車費，尤其是新幹線）所以同好友買嘢買得好鬼開心!　

不過都係有啲啲唔抵，　年初去倫敦時，英鎊對港圓係$15.80, 最近跌到$12.-！　到10月去日本，日圓又標升，要$7.80/100！有無攪錯呀！

秋.日の恋 (七) - 新宿

2008年10月10日 – 新宿

由金澤往新宿, 路程認真遙遠, 原先計劃是搭新幹線, 再轉JR, 票價約11,000 yen, 收費貴之餘, 轉轉接接都要5-6小時; 最終我們選擇搭巴士 (Coach), 雖然耐少少, 要成6- 7小時, 但一程車, 收費7,800 yen, 而且車箱好舒適, 都係獨立座位, 每約兩小時有休息站, 可歇一會, 方一方便. 其實如果唔係要會合另一位朋友在新宿, 我會選擇在大阪走, 反正大阪我未去過, 聼好友講京都好靚ga! 唯有等下次!

到達新宿已經7點, 開始三人行, 這位靚女朋友曾在日本留學6年, 日文當然相當流利， 所以開始唔用腦囉!  佢話去邊就去邊, 佢話食什麼就食什麼. 今次住的Keio Plaza Hotel 都是她建議, 房間好大啊, 比起上次住[新宿太子]好很多, 而且酒店門口有機場巴士, 好方便! 

第一餐食Tempura, 總覺得在日本食Tempura 比香港好.

可放少少食鹽增加味道, 有五種選擇, 天然海鹽, 柚子味, 綠茶味, 昆布味, 梅味, 個人較喜歡柚子味.

 

第二日, 行表參道, JR原宿駅出.  好鬼鍾意行呢條街, 整體好靚, 啲店舖又啱睇, 啱買, 幾日無出過手, 今日失手啦!

Prada店,　靚到！

 

曲奇餅店，　超好食，　買了幾盒做手信．

請大家把注意力集中在我頭上的帽子上, 即買即用, 係咪巧令呢!  即時型晒！　哈哈!

行到倦，　又可以嘆下coffee,　hea下！　行一條街就行左一日！　

今次最開心買了一對cushion套, 　同家裡的黑色sofa 好match啊！　幾有taste呀!　 哼～

秋.日の恋 (六) - 金澤

2008年10月8日 - 金澤

浸完溫泉真係睡得特別好, (其實我一向都沒有睡眠煩惱!  隨時隨地都可以入睡!)

茶屋街

格局跟[高山]的老街差不多, 但我們上午11點去到, 唔知點解啲店舖好多都無開門, 好冷清, 行了一陣就走人!

 

除志摩當年曾在日本留學, 唔知係唔係住在這裡? (又係無開門呀!)

近江町市場
學亞[蔡生]去行街市, 幾得意, 我都好多年無入街市 lu!

見到好多長腳蟹, 但都沒有堂食, 只有外賣, 咁點食喎?  失望! 

入到其中一間很多人光顧的舖頭, 食魚生飯, 新鮮好味!

尾山神社

又係無遊客gei? 　依家唔係旺季咩？　金澤唔係好出名嘅咩？

唔知神社同寺廟有何分別呢？ 　在日本好多都叫神社喎．

日本都有許願樹喎，　不過唔駛拋，只要把願望寫好，　綁在樹上，　這樣棵樹應該無咁傷．

 

我都想自己能夠〔洗心〕〔革面〕, 以後買少啲名牌, 嘻嘻!

 

其實遊金澤好容易, 跟觀光巴士仔遊一圈便可, 簡單純樸跟她本身的特質一樣, 沒有多大的驚喜.
洗滌心靈之旅就此結束, 明天朝向東京出發!

不過, 由古樸的高山, 白川鄉至繁華的東京, 在冷靜與熱情之間的金澤過一過冷河, 未嘗不是適當的安排.

秋.日の恋 (五) - 金澤

２００８年１０月７日　－　金澤

[大田屋]早餐時間是7點半, 真係早睡早起身體好! 唸住7點先起身, 奈何住在隔離房的台灣朋友6點多少少就起晒身, 你知啦, 個度啲格格房傳聲之餘, 啲房仲係用趟門, 幾間房一齊趟開趟埋, 唔醒才怪! 好友為此發脾四呢!  我咪唔理佢, 夠鐘就自己出去食早餐囉!

離開白川鄉這個童話世界, 再乘飛濃巴士向享負盛名的金澤出發. 個多小時便到達, 天氣幾好喎… yeah!

專為遊客而設的巴士仔, 好鬼cute, one day pass 才500yen，　超抵！

第一站　－　兼六園，　一個好日本的公園．

第一次試正統抺茶，　是手磨的，　好濃，　起晒泡，　仲奉送好甜好甜的和菓子一件，　唔錯．

２１世紀美術館，　館仔細細，全是現代藝術．不過好多展品都不準拍照.  

可自由更改造型的藝術品，　睇下個傻婆玩得幾開心！

晚餐豐富囉，食生蠔，蠔焗飯，勁和味! 所以連食左兩晚!

飯後, 有甜美的巨峰青提, 超甜蜜瓜, 很潤啊!  價錢咁抵, 我地倆個為食鬼緊係日日食啦!

今次住的酒店 Dormy Inn, 位置好，房間大，最好就係設有風呂，又有得嘆lu！　 而且對面就係shopping mall - FORUS, 入面什麼都有，　仲有一層淨係食店，　好多選擇呢！

秋.日の恋 (四) - 白川鄉

２００８年１０月７日　－　白川鄉

寫白川鄉, 得一篇又點夠喉呢! 去到呢個仿如童話世界的地方, 實在是一見鍾情, 再進一步接觸後, 便按捺不住要跟她好好的談一次戀愛! 愛她每一吋肌膚, 愛她每一口空氣….

行上展望臺, 全面的白川鄉盡收眼底． 實在太喜歡這地方，　我們共上了兩次，下午一次, 第二天早上再一次, 　看看不同時候的風光！

在我和好友最愛的地方，　終於有張合照了！

第一次見，　結子石榴！ 小小紅燈籠高高掛.

這兩天都天色陰暗, 難得有片刻短暫的陽光, 為我帶來一絲期望...

我們住的民宿[大田屋], 因沒有影相, 再應Mak Mak的喜愛，　借用其他blog友的來充撐一下！

一入門口，　又黎時光倒流！

鄉村地方，　６點多便食晚飯，　味道很好啊！

中間的火爐很好用，可以保暖之餘, 又可保溫，睇下啲煙就知好嘢啦！　仲有係這煲麵豉湯味道一流，yummy!

飯後，　應老板娘之邀請，　和其他住客一起玩她們古時的樂器，　唱歌，　因其餘住客都係台灣來的，　我們合唱了〔高山青〕; 唱得唔錯，　好開心！　她們仲奇怪我和好友不懂日文都可以自己黎到？　哈哈，　厲害呢！ (相片由台灣朋友提供, 謝謝!)

唱完歌仔，　一齊摸黑去泡溫泉，八個人帶兩枝電筒仔,  好似小時候跟亞媽返鄉下!　令人懷念的時刻啊!