返嚟啦! 返嚟啦! 一返嚟全球股市齊升, 腳頭幾好喎!
話咁快就玩左九日, 又大左一歲, 愈來愈有女人味! (I hope so!) 
今次日本之行, 好充實, 好開心. 其實去〔白川鄉〕的計劃始於去１２月初睇到一個〔我要環遊世界〕的blog, 一看便愛上了， 當時打算跟團， 但旅行社回覆開團只開到１１月１５日， 之後因天氣太凍， 冬天不開團． 就係咁， 一等便等了一年！ 但值得啊！
有美景 - 高山, 白川鄉;
有美食 – 飛驒牛, 日本牡蠣(生蠔), 魚生, 海膽… 超正! 仲有各種美味的水果, 有巨峰提子, 蜜瓜, 水蜜桃, 無花果…
有購物 - 去到東京, 我呢啲俗世人, 墮入凡塵, 就躲也躲不過了.頭5日係名符其實洗滌心靈之旅, 高山, 好靚, 好寧靜, 唔知點解, 遊客好少; 白川鄉真係好靚, 好靚, 好好靚! 未去過的朋友, 一生一定要去一趟啊! 喜歡影相的朋友, 更加不容錯過! 我都專登買了部新相機, 幾 pro呀! 由於今次有兩程要搭巴士, 網上經人提點不要帶大件行理, 所以今次可說是破天荒, 九日行程只帶5件衫 (包括外套), 2條褲, that’s all!
仲有第一次住民宿, 雖然有啲唔慣, 但感覺良好!
沒有留言:
張貼留言