巴黎之初次邂逅 ~ (一)

2009年3月31日 ~ 巴黎 (一)

一早起身, 心情興奮, 因為出發去巴黎啦!  呵! 呵! 

由酒店行路去 St. Pancras Station 搭 Eurostar, 車費都幾貴, 來回每人要 Euro 150.-, 不過勝在方便同夠快, 坐大約兩個鐘便到達巴黎的 Gare du Nord Station, 除即買埋 3 days Tourists Pass, Euro 19.5.-

12點左右就去到酒店 check in, 今次住第八區, 雖然不是什麼星級酒店, 但是勝在乾淨, 企理, 而且location好, 夠就腳, 依點對自由行是非常重要的!  其實要我挽著行理在地鐵又上又落, 真係好鬼辛苦! 英國和巴黎啲地鐵都咁大年紀, 好多時都係無電梯, 要行樓梯, 所以只可以帶細件行理.

以前跟團次次都淨係門口經過的 L'Opera, 今次終於可以入內參觀.

入面簡直金碧輝煌!  呢個景有啲似[梵爾塞宮].

好grand啊!  

在 L’Opera 門口有街頭表演, 觀眾和表演者都十分投入呢!

La Place Vendome

拿破崙真厲害啊, 打勝仗就攞埋人地的坦克車, 溶晒佢, 就做了這枝巨柱用嚟示威!   柱面的雕刻好精緻!

正所謂入鄉隨俗, 為了要感受一下巴黎人的悠閒, 緊係要坐下街, High Tea下啦!  一杯Orange juice, Euro 8.-, 悠閒係要付出代價嘅!

在巴黎第一餐 dinner,  Sam哥選擇了在 [信報] 的介紹.

Le Mouton Blanc, 話係好多當地人幫襯的, 咁即係夠地道啦!

最好笑個經理個樣同身型成個[拿破崙]咁, 仲好生鬼, 成日同Sam哥兩公婆講笑!  話自己娶了個中國老婆, 講埋啲我們聽唔明的普通話, 好攪笑! 

當晚佢介紹左枝紅酒給我們, 好正! 口感好厚!  Euro 34.- /Bottle, 就有咁嘅水準, 緊係要 encore嚟多枝!  幾時都話係歐洲飲酒抵!
件疑似午餐肉咁大件的鵝肝, 食完好[溜]!  我都係覺得煎好食啲.

Main course 我們點了牛扒, 羊扒.  不過唔掂喎!  有啲失望!