2009年4月4日 ~ 巴黎 (五)
短短的九天(實際得七天)倫敦, 巴黎之旅在非常愉快的心情下結束! 享受著跟以往不一樣的巴黎! 來日方長, 讓我以後慢慢的再發掘吧!
倫敦, 巴黎的地鐵出名邋遢, 不過入面經常會有不同的表演, 有時仲好高質素!
成隊band都有
最近, 巴黎市政府為了推動環保, 特意買了二萬部單車, 放在各大地鐵站外, 供市民使用. 收費很便宜. 我見到很多年青人, 只要手持一張咭, 在單車頭拍一拍便可使用, 幾方便喎! 既環保又健康!
今次雖然買嘢唔多, 但最開心是可以在Heathrow Airport的Mac買到以下Hello Kitty系列的化妝品, 在香港兩日便賣斷市, 其中閃石系列在香港未出售, 在日本仲賣到好貴! 哈哈! 咁都比我撞到, 我緊係唔執輸, 買了一堆番嚟做手信, 個個收到都好開心! 物輕情義重嘛!
返港後仲有開心大發現, 原來買LV真係隨時有錢賺!
事原同學托我幫她買個 handbag, 一來價錢較平, 二來香港無貨. 香港賣$8,800.-, 巴黎扣稅後$6,700.-, 已經平了$2,100.-, 唔錯喇! 同學仲話係米蘭站見到賣$10,600.-!
點知上星期經過, 八八卦卦入去睇下, 嘩! 已經升到$12,000.-!!! 唔係呀! Sales 姐姐話因為好多地方都斷晒貨喎! 天呀! 點解我無買番個比自己呢!
沒有留言:
張貼留言