飄來榴槤之香…

飄來榴槤之香…

今個端午節假期,  好開心和兩位家姐 + 好友,  來一個馬來西亞美食之旅!  今次先去檳城, 怡保, 再由吉隆坡走!

已經好耐沒有同大家姐一起旅行了, 自從她的寶貝女兒誕生後, 便成了全職家庭主婦,  女呀女,  命呀命,  想撬郁佢都幾難!  不過,  依家小人兒也會自己和同學仔去台灣旅行了, 咁又點到她不放手呢!    家姐, 係時候出番嚟威喇!

            

        

                   

最最最開心今次有機會品嘗到兩款極品榴槤 –  紅蝦,  同埋猫山王!   嘩!  真係聞名不如見面,  色澤金黃,  乾身,  細核,  味濃帶甘,  齒頰留香;   好食到欲罷不能,  手指都要 lum 埋,  依家想番起都仲流緊口水!  連一向唔肯試嘅三家姐,  都忍唔住食左幾舊,  仲話好食! 

睇吓我開心到!  簡直雙眼發光!

               

         

        

當然, 講明係美食團, 又點只得榴槤咁簡單呀!  

麵包雞,  大大個包, 入面是咖哩雞!  一打開,  香噴噴! 

     

用番啲包用來點咖哩汁, 好惹味!   絕!

            

怡保名菜, 芽菜雞; 啲芽菜肥肥短短, 好爽口, 用來伴滑嘟嘟的河粉,  好配合! 

         

野生河鮮,  即日捉, 有筍殼魚, 未食過咁大條, 好滑!  我連個魚頭都 lun 到乾乾淨淨!

            

還有爆膏大頭蝦, 真係超級大隻啊!

           

檳城的天下第一麵,  是我們的蔡生嚐過後提字的;  濃濃的蝦湯令每條麵都充滿鮮味!
      

其實還有好多好嘢, 例如有娘惹菜;   還有海南雞, 醬料係用紅辣椒 +  蒜蓉 + 黑醬油,  好好味!  真係雞有雞味!  還有肉骨茶, 我覺得偏甜, 唔夠新加坡的香濃;  還有胡椒猪肚湯, 啲胡椒好香;  只是好多時掛住食, 掛住講, 無影相!
一日四餐, 每日都有下午茶!  大多食街邊檔, 好有風味!

馬來西亞特產 ~ 亞參喇沙, 細細碗, 好重香葉味, 正!

         

蝦麵, 又係濃湯底, 但係就唔係好見到蝦喎!  我覺得好食過喇沙!

還有拉茶 + 印度薄餅; 白咖啡 + Kaya 多;  不過, 拉茶同咖啡都甜到爛牙...
       

       

顏色鮮艷的生果袋,  很受當地人喜愛!   我地就無試喇!