龍年行大運

2012/1/25 大年初三, 持續低溫, 得果 6 – 7 度,  又凍又落雨,  最好就摺埋自己係被竇冬眠!  但係一早約定了班 blog 友去大浪西行大運,   心想實取消喇,  點知班友咁勇,  只是為安全計改了地方,  係咁二去鹿頸走一走, 食碗豆腐花, 大家風雨同路, 今年仲唔齊齊撈到風山水起!

不過入到鹿頸又唔係覺得好凍, 只係落雨麻煩啲, 想行遠啲都唔得! 

 

就係依十一個傻人,   哈~ 哈~ 哈~  今次有隨團專業攝影師Felix,  就憑佢成米咁長嘅手,  玩自拍都可以影齊十一個,  仲有埋背景, 勁!  

依張靚相係用我部傻瓜機影架!   所以話只要技術好,  咪一樣有好作品!   哼 ~

行完大運, 最好嘅節目緊係齊齊烚下烚下, 好滿足!

原來足足一年無見過馬克,  一見佢就幫口做番件好事, 算佢喇!  好嘢, 又有旅行去!  Yeah!   之不過, 我自己係咪應該檢討下?  其實我衰邊花瓣呢????  明明我份人都算隨和,  仲聰明伶俐, 活潑爽朗, 善解人意, 話頭醒尾.... (夠喇!  夠喇!)

只係有時多嘢講啲,  說話直接左啲, 串左啲 .....

p.s   終於有少少頭緒, 從三個老友口中得悉 > > > 原來我有時真係好惡頂,   要認識我耐啲才接受到我這獨特嘅性格!