の Telavi - Sheki
今早發生了人口失蹤事件, 事源早餐後離集合時間還有半小時, 馬克同兜兜有少少時間就身痕, 兩條友走左出四處逛街! 點知集合時間到, 還未見兩人蹤影, 過了十五分鐘, 仍然唔見人影; 我們開始擔心了, 因平時大家都好準時! 唔通迷左路? 再等多五分鐘, 唔係辦法, 於是叫司機開車在附近兜下, 而我地就留守! 終於十分鐘後, 見司機把他倆載回, 大家才鬆一口氣! 原來他倆被熱情好客的村民邀請入屋食早餐, 仲出埋紅酒, Vodka招呼! 盛情難卻下搞到走不得!
體驗過高加索人民的熱情後, 我們便繼續行程.
首先來到Alaverdi Cathedral (11th c)
Gremi Castle
由那天開始, 令人神往的雪山都圍著我們, 時近時遠…
午飯後暫時告別靚女導遊, 兜兜好不捨得她呢! 人生何處不相逢, 但總有別離時啊!
大家帶著有點忐忑的心情, 進入對我們來說較神秘的阿塞拜疆! 當大家剛過了[格魯]海關, 立即便見到我們阿塞拜疆的導遊 ~ 高班; 明顯是個世界man 的高班, 一開始便出招晒料, 講嘢快夾一輪咀, 搞到大家有點怕聽他講嘢, 兜兜仲話聽到頭痛! 不過, 佢又真係幾有料嘅, 在他帶領下, 雖然面對木口木面, 一臉冷峻嚴肅的關員, 我們還是順利過關!
入城了 ~ Sheki! 大家都異常興奮, 充滿期待!
(Photo by Felix)
不過, 看似較落後的[拜疆], 消費卻比[格魯]及[亞美]高, 想不到吧!
(Photo by Felix)
由於已近黃昏, 導遊帶我們上山, 先看看四周的景色.
團友為了攞個靚景, 真係都好搏下!
當晚入住的酒店, 有百多年歷史, 為方便古時絲路的商人, 上層為客房, 地面則用作泊駱駝!
世界man 夠鐘就收工, 我們唯有自己出街搵食! 由於位於邊境, 四周較落後, 沒有似樣啲餐廳, 只好求其找間小店; 難題立即出現, 完全雞同鴨講, 溝通唔到! 好彩之前我們開餐都有影相, 便展示出來, 才叫到嘢食, 但都係得果一, 兩款, 真係食唔飽囉! [拜疆]杯麵派對, 在第一晚已要展開! 噢 ~
街道的小店, 很有王家衛feel!
破爛了街燈, 似唔似食鬼?
