2012/03/31 のTbilisi
出發前幾日, 同學好心來電, 叫我食定多啲嘢, 肥定嚟瘦! 原因大多數人, 包括我自己, 對這三個國家的認識實在有限! 只知道他們前身均為蘇維埃政權統治, 即前蘇聯時代, 直至九十年代初才恢復獨立. 可說是久經戰亂, 人民經歷顛沛流離, 經濟落後… 因此, 推算都應該係會無啖好食! 亞美尼亞仲慘, 第一次世界大戰時期, 還被土耳其進行了種族大屠殺, 估計死亡人數高低不等, 少則接近100萬, 高則150萬! 2008年8月8日，俄羅斯軍隊還對格鲁吉亞軍隊發動一系列空襲! 係咪有點擔心呢!
從香港出發經多哈轉機到今次旅程的第一站格鲁吉亞, 連等候轉機時間, 足足二十一小時! 帶著疲倦的身軀加一臉殘樣, 點知一過關就遭到阻撓, 關員一輪嘰哩咕嚕後, 沒收晒我們的BNO, 要我們做簽證! 唔係呀! 我們專登申請番本BNO就係唔想搞 簽證, 因今次旅程我地要三出三入格鲁吉亞, 一次簽證費收USD33.-, X 3 咪好甘? 我地當然堅持BNO係免簽證, 之後愈搞愈人多, 向我們解釋再解釋, 唉! 我們都打定輸數, 點知就在我們填緊張form, 突然又話o.k. 喎! Good! 過關! 不過, 依種情況在出境又再出現, 又係要搞一場大龍鳳, 真係唔知佢地搞咩鬼, 全無system!
一出閘, 就見到我地嘅靚女導遊 Nani, 大家眼前一亮, 真真正正的[高 + 索]! 亦因為佢嘅出現, 我o靚模依個位, 未開工就比人[炒]左喇! 嗚…..
(Photo by Felix)
(Photo by Felix)
之後亞美尼亞個導遊 Nune, 又係靚女一名! 我們依團的男士真有福, 本身啲團友已經夠靚女, 再加埋[高 + 索]導遊, 發達喇!
(Photo by Connie)
第一餐在Tbilisi的晚餐, 當然要品嚐最地道的美食 ~ Khinkali小籠包; 內餡大多是肉, 但之後食過蘑菇覺得最好食; 食法是用手拿著它的「頭」, 反轉來吃, 不過小心內裡的肉汁會流出, 好味! 記住個「頭」是不吃的， 一個當地男士一餐可吃十、廿隻, 勁！
還有差不多每餐必需的青瓜, 蕃茄沙拉, 好清甜!
芝士薄餅都唔錯; 肉捲我就麻麻.
[格魯]給我第一個感覺有點像Budapest, 在酒店附近搵食其間, 可見到不少酒吧, 又唔係想像中咁落後喎! 食胞胞, 行一會返回酒店休息, 明天請早, 行程正式開始!
沒有留言:
張貼留言