何用計較, 去欣賞身邊美麗每一天...: 2013

2013年10月15日星期二

21天南法之旅

21天南法之旅

今年, 可以說是用金錢來換時間, 把工作辭去, 讓自己放任地做自己喜歡的事! 例如旅行, 所有未知的國度, 地域, 我都興趣十足! 旅行中所感受到, 所遇到的, 都化做生活的養份! 總是盼望著下一次的出發, 期待另一次的相遇!
靚秘書 on long vacation 的重點之一 ~ 21天南法之旅, 終於出發了 ! 行程大多由 Sam 哥負責, 包括訂酒店, 訂火車票, 辛苦晒! 我同愛人就乜都是但, 愛人只需準備錢! 我就仲簡單, 有得玩, 有得食就開心! 當然, 好似今次加埋有得 shopping, 就 double happy 囉! 嘻嘻!

Paris (16/6)
Avignon (18-19/6) ~ 唔知啲薰衣草開左未呢?

Arles (20/6)

Nice (21-22/6) ~ 噢! 陽光與海灘, 比堅尼又出動!

Monaco (23/6) ~ 三星級米芝蓮餐廳, 期待ing!

Cannes (24/6)
Nice or Grasse/Menton (25/6)
Italy ~ Milan (26-27/6)
Verona (28/6) ~ 羅密歐與朱麗葉, 浪漫!

Italy ~ Milan (29/6)
France ~ Lyon (30/6 – 1/7)
St. Malo (2-3/7) ~ 嘩! 超正海鮮! I'm coming!

St. Michel (4/7)

Paris (5-6/7)

現在唯一有點心煩, 最近塊面搞到一撻撻 (人地話我成日去玩, 晒得太多, 又唔肯擔遮), 其實我唔介意晒黑, 但一撻撻就好鬼核突囉! 尤其是眼袋下果兩撻, 真係睇見都想喊! 問過專業人事意見, 話係賀爾蒙問題, 好難搞; 唔係無得搞, 但做完療程不能晒到太陽! 否則仲衰過舊時! 咁! 我又出發去南法, 有咩可能晒唔到太陽呀? 唯有至諸死地而後生, 玩完番嚟先算! 最緊要開心! 哼 ~

大家不用太掛住我啊!

2013年10月8日星期二

東歐 ~ 2010 ~ 斯洛文尼亞

東歐 - 2010 ~ Slovenia

今年暫時去了三次旅行, 一次比一次精彩啊!
不過, 想唔認老都唔得, 要自己拖住件行李箱, 搭火車, 搭地鐵, 搵車站, 搵酒店, 搵景點, 搵食… 行行行… 你都咪話! 所以話有旅行要趁嫩去! 有仔要趁嫩生!
22/9 中秋節晚出發, 好可惜唔係坐窗口位, 賞唔到月!
晨雞咁早到達 Munich, 再轉機去 Ljubljana, 個多鐘便到!

先在機場對換當地貨幣 Kuna, 最好用 Euro 或 USD 換, HKD好似無匯率. 由機場出市區, 見有泥鯭的士, Euro 5.-/位, 車身光潔, 司機禮貌周周, 拿拿淋上車!

今天陽光普照, 金風送爽; 沿途沒有高樓大廈, 跟一般歐洲小鎮差不多, 只是較平實!

沿著Miklo大道往上走, 行行不覺己來到派沙倫廣場(Presernov Trg),

其實 Ljubljana 重點遊覽的地方不多, 可以悠閒地細意品嘗!
建於1660年的Franciscan 教堂

沙倫廣場, 三棟橋 , 我相信是遊人最多的地方, 而且有很多餐廳, 搵食都係哩度.

到河畔邊的露天咖啡座歇息, 咖啡座旁平靜地流淌着Ljubljanica小河的清清河水.  招呼我們的是個充滿陽光笑容的大男孩, 結賬時他把手上的機器按了一陣子便從屁股上的打印機拔出單子來, 高科技加效率, 令人大開眼界.

對岸是宏偉的大教堂( Stolnica/Sv Nikolaj) , 始建於十三世紀.

即將開幕的Galerija Emporium, 但係除非有得退稅, 否則 22% VAT, 無咩吸引力囉!

既然無咩興趣, 行下 market 好過!

坐觀光小火車是往山丘上的中世纪城堡 (Ljubljanski Grad) .

從這兒可以俯覧盧市的全貌.

發現很可愛的小花. 係今次旅行, 仲看到不少果樹呢! 感覺新奇!

行程的第一頓晚餐, 緊係要食好啲! 嘻嘻, 我總係多多理由! 而且今次同識飲識食嘅 Sam 哥兩公婆同行, 點可以求其呀!

飯後不覺又回到廣場. 此刻一輪明月掛在漆黑的天空中(農曆十六), 又像要降落在凡塵的臂彎上, 廣場散發着神祕色彩和暗暗幽光, 如夢如幻. 起舞弄清影, 何似在人間 ~

2013年6月23日星期日

去馬德里睇皇家馬德里

2013/05/02 ~ 05 @ Madrid

講遊西班牙已講左幾年, 有兩次都臨門脫腳! 哈哈! 今次有Sam哥帶隊, 就實穩陣囉!

今次旅程不作詳細描述, 只寫每站的亮點!

第一站 > 馬德里; 一講馬德里, 鍾意足球的朋友一定會即時想起超班勁旅[皇家馬德里]! 幸運地撞岩那星期六他們主場有賽事, 我們當然不會放過這大好機會, 拿拿淋走去踫踫運氣買門票! 可能不是甚麼大賽事, 竟然又仲有得賣! 原本想買貴少少, 坐前啲, 人一世, 物一世嘛! 可惜100 euro的只餘單丁位, 我們一行五人又唔想分開坐, 最後唯有買65 euro, 山腰之上! Anyway, 可以和六萬人一齊歡呼吶喊睇波, 真係超興奮!

搭Metro 好容易便到達, 而且有好多個入口, 所以沒有想像中的萬人空巷!