情迷西西里 (Day 4)

西西里 ~  巴勒莫 (Palermo) > 斯捷史達神殿 (Segeste)

西西里島是地中海最大島嶼, 由於位處歐、非海中部份,  故深受希臘、古羅馬及阿拉伯等民族影響, 島上天然風光迷人, 保存甚多歷史名勝及建築物.

晚上由拿坡里乘所謂的豪華客輪前往西西里, 哩程是我今次行程最唔滿意的一晚!  房間細, 仲要係上下格床, 好似火車果種; 沖涼時想轉身都難!  晚餐係一人拎住個 tray 自己去攞嘢食!  豪華客輪?  把鬼!

一大清早, 到達期待已久的西西里, Godfather?  黑手黨?  無辦法, 實在太深入民心!  當然, 黑手黨係真嘅, 不過唔關我地事!  所以領隊話哩度好安全, 反而係羅馬就要小心扒手!  不過, 依家應該都無咩扒手了, 因為已經升晒[呢]為神偷喇!  
事實上西西里由於陽光充沛, 所以農產業非常豐富, 價廉物美!  我們買了一箱車厘子, 大約10 公斤,  價值euro 20.- , 仲有係香港好少食到嘅血橙,  都食左好多!

除了疏果, 橄欖油同黑醋都十分出名;  團友們大多有入貨呢!  個個買得好開心!  

講開食,  在意大利,  啲pasta 真係好好食, 唔知點解, 明明只係好簡單的蕃茄 + 芝士!   酒都唔錯, 不過無出口,  只可在西西里享用!  又係好抵飲, euro 15 - 20,  唔飲都對唔住自己!  

原來係意大利,  Risotto 同 pasta 跟 salad一樣,  只算係頭盤,  唔係 main course, 所以做法較簡單.

上午在市中心巴勒莫悠悠閒的行下街,  竟然有收穫!  話晒都係嚟歐洲嘛, 點都應該有嘢買下先似樣嘅!  之前復活節去德國, 遇正假期, 有得睇, 無得買, 零購物!  失禮晒! 

斯捷史達神殿 (Segeste)

古希臘之神殿,  外形宏偉,  但好可惜並不完整! 

希臘人於公元前三世紀所建的劇場.

現在每年八月份某黃昏也會舉行一次演唱會, 以顯示在古時在沒有任何擴音器的設備下, 由於設計上的巧妙, 仍然可做出環迴立體聲的效果!  前人的智慧啊!

明天會前往參觀的神殿谷,  好難得仍然保存得好完整,  先用長鏡攞個全景.

夏天去歐洲真好,  晚上八點幾仍然係黃昏,  還可以出街行下!