情迷西西里 (Day 5)

四年又四年!  話咁快又曲終人散!  個人仲係好似遲遲鈍鈍咁!

後遺症 > 眼袋 + 肚腩 

爭冠軍果兩隊都唔係自己心水, 睇起上嚟當然無咁肉緊, 仲覺得有啲悶 tim!  真係好懷念好懷念大哨, 細哨當fit時的巴西隊, 一個扭幾個, 果種全攻形的踢法, 精彩到!    今年,  入左果五球就話爭神射手喎,  超!  人地大哨朗拿度當年係入左14 球呀!  哼 ~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

西西里 ~  阿格真圖 (Agrigento)  > 神殿谷 (Valley of Temples)

今日行程重點, 仍然係神殿, 仍然繼續要晒通頂!   不過,  導遊話我地依團有貴人, 因為氣溫唔係好正常,  只得果33度!  起碼蝕左十度八度比佢!  算幾好喇!   只是影相就無咁靚,  個天唔夠藍!

此城建於公元前581年，抵達後前往神殿谷，谷內仍保存多座建於公元前五至六世紀之多立克式神殿，如協和神殿、宙斯神殿、希拉神殿及廢墟，蔚為奇觀. 

哩啲一個個洞是有錢人用來放棺木的,  無錢嘅就要葬在地下;  所以話有錢人就算死也要高高在上! 

協和神殿, 是保存得最完整的一座,  真係好難得啊!

成座神殿真係好靚!

倒塌了的宙斯神殿,  支撐的主力柱大力士神像, 用那裡的石頭再重組.