2010 ~ 克羅地亞 ~ Dubrovnik (下)

東歐 - 2010 ~ 克羅地亞 ~ Dubrovnik

舊城區的港口附近有大量one-day tour可供選擇, 來到Dubrovnik, 不來一趟跳島之旅, 似乎浪費了這大好的天氣.

今日好好天啊!  開心到彈起!

是日風和日麗, 蔚藍的天空點缀著朵朵白雲, 時而聚在一起像一大片棉襖, 很快又各式各樣地散到天各一方, 變化萬千, 多姿多彩.  海浪澎湃地衝擊著岸邊的岩石, 浪漫激情, 奏著大自然交響樂.

             

無錯, have fun!

                           

充沛的陽光、蔚藍的天空、清澈的海水、漂亮的建築物,  實在令人樂而忘返!
Go Go Go....  等緊我地隻遊艇, 睇見開天就想笑!
     

出發!      船頭甲板位一早比人霸o左!
            

      

哩個tour 會遊三個島,  包酒店接送到碼頭, 包 lunch, , 紅, 白酒及其他飲料任飲, 收費 Euro 35.- / 位,  好抵玩!
泊在碼頭隻帆船好靚仔, 好 classic!
           

首先登上Otok 島, 這兒面積细小, 只有少許風景, 民房和果樹,  畧為逗留便離去.
            

第二個是 Sipan島, 這裡有15世纪歌德式與羅馬式的建築, 風光明媚.

         

在船上開餐, 估唔到 o.k. 喎, 新鮮的馬介休好好好食!  配白酒, 正!  (不過, 用膠杯飲, 扣分!)
         

最後上Lopud島,   因為有海灘, 所以逗留時間最長, 有三個鐘.  我地試過啲海水, 凍到打冷震!  點游呀?  唯有 hea 吓算啦!
                 

   

                  

                                                    

五點回程, 廚師把啲魚骨, 魚頭拋落海餵海鷗,  嘩,   立刻高興莫名地吱吱大叫,   拍著雙翼在船夫頭上, 前後左右地盤旋, 張大嘴巴像孩子們般追隨著要吃他手上的魚,    震撼場景才是遊船河全日的高潮!
            

在船上欣賞日落的 magic moment!
                              

                     
               

返回舊城內食晚餐,  愈行個天色就愈藍,  好奇妙!
                             

     

今晚又嚟生蠔,  質素比昨晚的更好!  加埋碟黑松露意粉, 香到呀!  好滿足的一天!     Memories are priceless!

                    

懷著不捨的心情離開Dubrovnik, 要講下 Croatian 真係好nice!   最好笑有次同一位年輕的士司機談話,  佢第一句又係問我地係咪Japanese,   我地答係 Chinese,   佢即刻好開心話好鍾意中國文化及歷史,   仲話之前睇套o左電影好正!   於是我地問邊套?   “Red Cliff”!   吓!  一時想不到,   因為係香港只留意個中文名.   佢見我地唔明,    加多句: two empires fighting!  吓!  好多中國歷史片都係two empires fighting 喎!   哈哈,  當然跟住我就好醒咁叮到出嚟,  哦!   赤壁,  John Woo!  Yes, Yes, Yes!  Bingo!