冬.日の恋 (八)

2009年1月3日

今天又再下雪, 唔通要歡送我走! 

 

最後一日在札幌, 沒有太多時間, 最好的活動是….血拼!

JR Tower, Stellar Place, 大丸, 已夠你行一日; 況且剛開始on sale, 真係人山人海!  不過, 日圓高企, 我今次都係得個睇字, 買得唔夠盡情!

睇下啲 sales 幾落力.

臨走, 食炭燒牛肉, 仲係霜降牛, yummy!

呢個綠茶紅豆餅, 好正! 

愈來愈愛到日本旅遊, 安全, 整潔, 友善, 服務態度更加一流,  雖然言語不通, 但都盡力表達及幫忙, 令你玩得安心又放心! 

下一個目標, 釧路 > 知床 > 網走 > 旭川

冬.日の恋 (七)

2009年1月2日 ~ 築港

原本今日想去[函館],  但 check 車程及價錢後便打消念頭. 坐 JR單程要 9,000 yen/person, 約 3小時, 等於來回要 6小時, 18,000 yen!  唔化算啊!  所以如有機會, 下次預先安排得好一點, 可以由札幌 > 登別> 洞爺湖 > 函館, 不走回頭路.

改行程, 由於昨天去小樽時, 經過一度有個彩虹摩天輪, 咦! 摩天輪? 係北海道坐摩天輪, 咁咪好浪漫....唸起 maMiMaMa 個篇求婚 blog!

好, 查資料, 原來是[築港], 一個遊艇碼頭, 有啲似香港的[黃金海岸], 還有 Wing Bay Otaru,  其中一個著名 outlet town, outlet 好o岩我呢!  仲有是入面有間悠閒 [Konami] Spa, 提供露天溫泉, 岩盤浴, 昨天係小樽嘆唔到, 今日一於補番數! 

今日天氣持續唔錯, 感恩!  [築港]碼頭, 好大風, 好凍! 

就係呢個摩天輪, 一陣夜啲先去坐, 靚啲嘛!

吹到好凍, 都係入去 outlet shopping 好啲!   但係個場好唔掂, 得個大字, 其他乏善足陳!  走了一圈, 食埋個 lunch, 就唸住去浸溫泉, 試下岩盤浴 (即係瞓係度, 比啲熱沙 own 住個人).  

奈何又一次令人失望的事再發生, Konami Spa 1月1 日- 1月2日休息!  吓!  唔係呀!  過完年囉喎?  仲休息?  激氣!    唯有行多一 陣,  去坐彩虹摩天輪了!  哈!  去到先知消費滿一定金額便免費的, 好嘢!  開心番斗令啦!

全程大約15 - 20 分鐘, 不過, 四周燈光稀疏, 唔夠燦爛同漂亮!   運左一日吉, 有點不是味兒, 一於食番餐好!  安撫自己!

JR Tower, 今晚大把選擇, 但是間間都排晒隊!  終於搵了間食黑豚肉 Sabui Sabui,  好味道!  唔得閒影相...

P.S.  日本啲厠所真係又乾淨, 又體貼, 好多都附設化妝間, 讓妳慢慢整理妝容, 時刻保持最佳狀態!      激讚!

冬.日の恋 (六)

2009 年 1 月1日 (夜) ~ 札幌

由小樽回札幌, 由於仍然是假期, 好多店舖已關門, 又要去搵食喇!  不過, 街上有番啲人氣, 無咁冷清清!  

依張貪得意用煙花mode, 睇下效果!

又係大通公園, 今晚聽到不少廣東話呢!

留意這棵聖誕樹, 從高處望會見到心型圖案 (紅色小燈泡圈), 代表心心相印!  不少情侶都在前面取景, 攞個意頭!

今次找到一間小小的居酒屋食燒烤, 串燒, menu 都係全日文, 唯有指手劃腳, 睇下其他客人食什麼.

燒雞翼, 我自細鍾意食....

燒帶子, 一般!  放得太多牛油, 太搶!

煙肉露筍卷, 好味!

還有其他普遍嘢, 無影相!  但係臨尾呢個炸面包雪糕太好味, 要影番張!

冬.日の恋 (五)

2009年1月1日 ~ 小樽

Happy New Year!

今日是我其中一個重點遊 ~ 小樽!   上天待我真的不薄, 經過昨日大風雪,   今天沒有下雪呢!   有 4.1度, 幾好囉!

搭札幌 JR去小樽很方便, 幾個站就到, 而且小樽好易行, 除了上[天狗山], 否則全日走路便可.  因為今天仍然是假期, 很多店舖都無開, 有點失色!
北海道最古老的鐵路 ~ 舊手宮線, 1880年開始往返小樽 > 札幌, 於1985年全線停駛.

這裡的建築物都各有特式,  很有風格,  手牽手細意的欣賞, 感覺挺浪漫....

小樽運河, 好普通啫!  有幾靚呀?  完全同想像和 postcard 很不樣呢! 有點失望!  唔通係我技術問題?

很多店舖是由從前的倉庫改成的.

雖然無落雪, 但仍要清理路邊的積雪.  踏在融化中的雪上, 濕濕滑滑, 走路有點難度.

唔想走太多路, 可選擇坐人力車遊覽.

小樽的玻璃製品很漂亮, 還有教小朋友玩吹玻璃呢! (當然要收錢!)

午餐在一間很骨子的餐廳食壽司, 很喜歡望窗的設計.

日本人對食有時都幾執著, 好似我食這海膽, 魷魚刺身時, 我要求wasabi, waiter 洒晒手, 擰晒頭, no no, 指住附上的生蛋加豉油, 示意我要點這碟!  O.K.  let me try!  原來又幾好食喎! 

好美味的雜錦壽司, yummy!

[外人坂]上面有間[海寶樓], 是初期日本和洋式混合風格的官員大宅; 現在是一所集法國餐廳, 露天溫泉, 岩石浴的休閒地方, 但事與願違, 當天休假!!! 仲想嚟嘆下tim!

猫猫在叫人開門呢...

童話交差點

又到下午茶時間, 最好就 tea 一 tea!  認住呢間銀2鐘1号內 Cafe LeTao, 環境和啲cheese cake 一流!

不知是否假期和天氣的關係, 小樽整體給我的印象比想像中差小小啦!  可能當初期望過高!