冬.日の恋 (二)

12月29日 - 札幌

臨出發前兩日, 新聞報導[北海道]大風雪, 多班航機受阻!  心想, 唔係呀!  好彩, 29号回復正常, 可以如期出發, yeah!   Hokkaido, I'm coming!!!

出發前完全無任何planning, 只知道一定要去[小樽],  太出名!  多得朋友最後關頭借了本 {Hokkaido Super Bible 07-08}給我, 去到先知好有用, 唔該晒!  

一落機, 無落雪喎!  酒店附近的 building 幾有歐洲 feel!

放底行理, 急不及待出去搵食, 我呢個為食鬼, 第一站就要去食蟹,  嘻嘻! 
各位朋友, 認住呢隻蟹呀, 呢間[豪華蟹宴]好出名 ga, 有40多年歷史, 成間店都好古色古香, 仲有自己的活蟹池, 保證新鮮.

嚟個全蟹宴, 11,000 yen, 有鱈場蟹, 花咲蟹, 皇帝蟹, 好豐富!   仲有唔同嘅食法!
睇下啲餐具都係蟹呢, 好 cute!

蟹剌身, 第一次食, 好鮮甜, 但有啲難(o趙)!

呢種King Crab最好食, 好好肉, 啖啖肉, 正!

嘩! 睇下啲蟹膏, 雖然啲顏色唔係咁靚仔, 但好甘香, 依家睇番都仲流口水..

燒鱈場蟹腳, 好香啊! 又係啖啖肉...

再嚟個蟹鍋,   仲未完喎,  驚死你唔飽! 食完仲會用呢個湯嚟煮稀飯, 加隻蛋 tim, 正到呀!

大家睇下有幾豐富!  食完真係捧住肚皮走! 

食飽飽, 順路去[大通公園]走走, 聖誕新年期間有漂亮的燈飾呢! 
Merry X'mas and Happy New Year!

影影下, 突然全場黑晒, 哦?  原來10:30分熄燈, 唯有返酒店早抖啦!  明天去[登別]浸溫泉, 期待!