冬.日の恋 (三)

12月30日 ~ 札幌 > 登別

一覺醒來, 望出窗外已經漫天風雪, 好開心!  嚟呢道無非都係為依個情景啫!

在酒店食過簡單的早餐, 為食鬼又出去搵食 lor.  [二條市場]當然是首選,  嘩! 出到去, 啲風雪都唔嘢少, 但唔覺得好凍, 只是行路時要小心點.

雪呀!  讓我飄呀~飄呀~  

鐘樓 (時計台)
唔知點解, 啲建築物和植物一披上了雪,  真係份外漂亮啊!

[二條市場], 有好多店舖, 可能季節性的關係, 最多是賣蟹,  蠔只有很少, 又見唔到原隻海膽, 鮑魚, 有啲失望!  不過都食了厚岸生蠔, $25.- 隻, 北寄貝 $50.- 好大隻! 抵到爛!  但係要企係街邊食, 所以無影相!     還有在檔口仔食海鮮飯, 加燒帶子, 飽晒!

出面一睇就知賣什麼啦.

入面是賣乾貨, 和小食店的地方.

登別 ~ 地獄谷

下午開始出發去由旅行社介紹的[第一滝本館]浸溫泉, 貪佢有專車接送, 又近[地獄谷]. 

沿途啲雪愈來愈大,  係我從未見過的.  車子因此而開得好慢, 要成兩個鐘才到達, 去到已天黑了!
原來呢間溫泉酒店好大呀!  但好商業化, 人工化, 人又多, 我唔鍾意依種型式!

你地睇下晚飯時間的餐廳, 你話似唔似香港工廠區的飯堂!!

不過, 話分兩頭說, 雖然係飯堂, 但食物質素唔差喎, 選擇又多, 算係咁啦!

仲有, 仲有, 未講完呀, 我係嚟浸溫泉的, 點可以題都唔題下? 

答案係........ 唉!  合格囉!  夠大囉!  所以感覺唔係好多人,  加上落緊雪浸住露天風呂, 個種感覺真係好正,  加番分!