早上的巴黎仍然有點微涼, 乘 TGV 往 Avignon 需三個多小時, 酒店就在火車站附近, 大家放下行李便去搵食.
窗外對出是城牆, 後面便是舊城區, 差不多所有景點都在那裡, 步行便可, 十分方便. 
廣場上的旋轉木馬, 無咩人座!
如果有睇瞬間看地球, 依個場景一定覺得熟口熟面 ~ 地標聖貝內茲橋 De Pont St-Bénezet.
天氣很好, 下午晒到好應!
這條是斷橋, 不能去到對岸.
行行下, 突然見到路邊有…… 嘩! 薰衣草呀! 立即飛撲過去, 影幾張頂住癮先!
入到去先發現裡面有好多好多蜜蜂, 但我已有點失控, 勇字當頭, 當佢地無到! 女人! 有時真係好鬼誇張! 不過, 原來啲蜜蜂忙過我, 佢地先懶理我哩!
Sam 哥最注重飲食, 原本一早於網上訂定這間餐廳, 但是我們抵達當日是星期六, fully booked; 星期日及星期一竟然都休息, 今次無緣了! 第二日才知依度啲餐廳都好大枝嘢, 大部份都休星期日, 有錢都唔恨賺!
沒有留言:
張貼留言