今日是星期日, 因怕薰衣草田太多人, 所以租定車, 待明天才正式一天精華遊 ; 而今日只有一個特定節目, 教皇宮 Palais des Papes.
教皇宮旁邊有個十字架的是Cathedral Notre Dame des Doms 聖院, 建於12世紀的羅馬式教堂.
由於 Sam 太是虔誠的天主教徒, 星日要望彌撒, 而我又從未參加過, 於是便跟她去感受下 ! 其實今次行程參觀得最多就是教堂 ! 雖然聽唔明, 不過啲聖詩幾好聽喎! 只係愛人受不了, 未完就要我走 !
會合後一起參觀教皇宮, 而教皇宮之所以出名, 可追溯 Avignon 的歷史至羅馬時期, 在1309年法國籍的教皇Clement v, 決定把教廷由梵諦岡遷到此, 才讓此地由一個小型商城, 一躍而成全世界最重要的宗教首都. 從1309～1377年, 也就是歷史上所稱的「教皇流放」(Babylonian captivity)時期, 雖然只有短短的七十年光景, 卻足以讓Avignon 成為物質與精神文明都很富有的地方, 至今絲毫未損它的光彩.
上抵教堂頂, 景觀極度開揚, 可俯瞰廣場四周及以外的景色, 一覽無遺; 藍天下朵朵白雲, 好可愛! 單單望住個天都夠開心啦!
由於時間非常充裕, 便遊埋船河, Um… 兩岸風景一般, 悠閒地享受了45分鐘!
之後又嚟搵食時間, 星期日, 除了廣場附近的餐廳有開, 其餘好多商舗都休息, 真係難搵食! 遊人也不多! 唔通未到旺季?
唯有在網上search 下, 找到間唔知咩嘢 Ma Ma, 之不過, 果 pat 茄子蓉! 噢 ...... 又一次失望!
嗱! 提提大家, 明天精彩喇, 唔好錯過呀! 嘻嘻 ~
沒有留言:
張貼留言