29/6 のBergamo
我本人其實唔係好怕熱, 但係意大利哩幾日, 真係日日熱到 Un Un 都濕埋! 所以除左吊帶裙, 好似別無選擇! 夜晚返酒店洗洗, 浪一日就搞掂, 又可以著過! 舒適, 方便, 快捷!
Bergamo 比 Verona 大好多, 是一個小山城, 風景很美; 而 Bergamo 最主要看的是 Citta Alta (需搭纜車上去), 所以我們都是先上 Citta Alta, 再下山遊 Basso.
一出火車站, 見到剛有巴士往登山纜車站, 我地一向行動敏捷的港人, 緊係拿拿淋上車, 以為好似在法國可以向司機買車票, 但司機叔叔嘰哩沽lu, 指手劃腳, 我們見不得要領, 唯有照坐, 見步行步 ! 終於坐到落車 !
很雅緻的餐廳, 種滿了繡球花!
由最高處向下望去整個 Citta Alta, 也變得細少了...
細味欣賞Citta Alta古山城之美…
竟然見到薰衣草呢 !
落番山去廣場, 這裡有 Palazzo Nuovo (新宮殿, 現在是圖書館)及鐘樓.
這裡地上刻有一些關於古天文的圖表, 顯示日照的方位!
不過, 就在這裡發生少少不愉快事件 ! 事原當我們四人在研究地上的圖表時, 剛好有一西方旅行團來到, 導遊小姐便開始講解, 咁我地原本就企係果度, 當然順便聽埋一份 ! 點知唔夠一陣, 其中一位中年男性, 行埋嚟用手示意我們走開 ! 還用他肥大的身軀擋在前面 ! 洗唔洗咁少氣呀 ? 我地無阻佢地喎, 況且公眾地方 ! 我過可以話你地成班人阻住我喇 !
這是十五世紀文藝復興時代興建的神龕「Cappella Colleoni, 收藏著「Bartolomeo Colleoni」 一位北意大利領導者, 及其家族成員的石棺.
外牆用白色紅色及黑色的大理石, 切割成菱形砌上, 造功超級美麗細緻!!
轉入Via San Lorenzo, 這邊有好多餐廳及商店; 但下午時份真係太炎熱, 無咩人行哩!
可愛的 twins 狗狗, 也要搵地方避一避!
可愛的 twins 狗狗, 也要搵地方避一避!
沒有留言:
張貼留言