/7 の St. Malo
差不多尾聲喇! 今次可謂好物沈歸底! 原本 Sam哥所編的行程上是不包括 St. Malo, 世事往往就是咁奇妙, 復活節七公主遊台灣時, 講起我6月份會去南法, 於是大家就妳一言, 我一語, 話邊度果度好玩, 搞到我未去先興奮! 尤其是 EK 和 Ida, 係咁 highly recommend 一定要去 St. Malo, 又話啲海鮮超正! 番嚟再上佢個 blog 睇睇, 嘩! 不得了! 即刻叫 Sam哥改一改行程! 所以話哩, 雅虎村嘅村民真係唔簡單! 雖然我嘅瀏覽人次持續偏低, 但我仍然唔會離棄佢, 希望其他 bloggers 都係啦!
由火車站乘 C1 或 C2 號巴士到 Porte St Vincent 下車.
其實大部份乘客都係依度落車, 漂亮的雲彩在歡迎我們哩 ~
跟著其他人一起走進城門, 經過一條石板路, 再跟住 i pad 個導航, 我們好快就搵到所訂的酒店!
今次間酒店細細間, 只有十四間房, 部電梯是我所見過最細小的, 只可載兩個人, 如果加埋行理, 就載得一個人! 好 cute!
房間是沒有冷氣, 但不用擔心, 晚上太陽下山後便會很涼快, 只不過朝早啲海鷗好鬼嘈! 天未光就出嚟搵食!
之後便隨處閒逛.
街頭賣藝, 連衣著都好認真!
最緊要登上城牆, 看看圍著城牆走一圈要多久!
上到去一望, 嘩! 好靚啊! 聞一聞, 索一索, 即時令人心曠神怡!
從城牆上看到滿是絕美的海岸線, 英法海峽、大貝島（Le Grand Bé）小貝島（Le Petit Bé）和國家堡壘（Fort National）盡收眼底.
完全唔驚人嘅肥美白鴿!
木柱的後面就是著名的 Le Sillon 沙灘！ 這些木柱一排一排、一根一根的埋在地下深處, 作用是減低海水拍岸的衝力, 保護近岸的建築物！
明天, 我地就會再嚟游水, 呵呵呵 ~
晚餐, 當然係食海鮮, 好豐富! 睇見都開心! 好好味呀!
Set dinner 仲有龍蝦, 每位 35 euro (不包酒水), 抵食到呢!
食飽飽, 超滿足! 天未黑, 行多一陣, 看見一對小情侶, 唔知佢地係咪撈緊青口呢?
沒有留言:
張貼留言