26/6 のMilan
因 Sam 哥怕連食三星期法國菜會食到悶, 所以在行程中段加插五天意大利遊, 轉一轉口味!
上午, 在轉乘火車往意大利前, 出車站的小鎮走走. 該小鎮市面感覺有點落後, 本已興趣不大; 但當見到個街市, Sam 太即時雀躍起來!
買了一些水果, 平, 靚, 正!
再行多一陣, 見到一個石灘, 好大浪, 唔見有人游水, 又係齋曬!
下午二時多到達米蘭, 噢! 好熱, 好熱, 好熱…. 同南法不一樣, 完全無風, 係帶點悶, 似香港, 但溫度更高, 太陽更猛!
由於當天時間已無多, 所以只一個景點 > 米蘭大教堂
以前嚟都係跟團, 無上過去教堂頂, 咁今次當然要上埋去啦! 每個細節都好堅! 令人目不暇給!
教堂大門的雕刻, 描述耶穌基督的生平, 簡直鬼斧神工!
意大利的第一頓晚餐, 在艾蔓紐廣場食, 普普通通食左意粉, 開左支酒, 埋單二佰幾歐羅, 都幾貴, 唔抵!
返回酒店, 發現我嘅腳背, 給米蘭的大太陽曬傷了! 又紅, 又黑, 又腫, 仲痛痛地! 怪只怪自己塗太陽油時忘記塗埋腳背! 對隱形人字拖到依家仲係度!
> > > (以下圖片可能令人情緒不安! 今勻真係犧牲色相!)
沒有留言:
張貼留言