30/6 の Lyon (Day 1)
里昂, 聽就聽得多, 但從未想過會到此一遊, 好似無咩特別咁! 聽 Sam 哥講法國菜其實是從意大利引入, 再經改良後發揚光大, 而發源地就係里昂! 還有要食法國藍腳雞 (即係紅色雞冠, 白毛身, 藍色腳, 成隻法國國旗嘅顏色) 好出名 ga!
所以今次專登嚟搵食, 完全沒有安排任何行程! 不過, 依家睇番啲相, 其實都好正喎!
里昂是法國第三大城市, 然而中心區不是很大, 大致上步行已可去到各個景點.
係度住間好些少的酒店, 房間大, 又有 view, 面對索恩河. 兩岸不同顏色的建築物令河景很美, 每次出入酒店, 都會忍唔住停下來欣賞景色而不捨得離去.
在藍天白雲的點綴下, 市中心廣場四周的建築物也顯得格外亮麗!
街道整潔, 景色迷人, 遊人不多, 比巴黎優勝! 天朗氣清, 熱得嚟帶點清爽, 比意大利舒服好多!
很喜歡歐洲的餐廳, 每間有著自己的個性; 細少的檯面, 拉近了人與人之間的距離!
今晚先到其中一間, 在搭巴士途中, 遇上一段小插曲! 由於事前沒有做功課, 我們都只是靠撞! 就係巴士上, 突然有人好開心用廣東話問我地想好邊度? 嘩! 遇貴人呀! 中法混血兒 > 劉師傅是也! 二十出頭的小劉, 法國南部出世, 熱愛中國功夫, 拜師十多年, 所以我地笑稱他作劉師傅! 他來里昂學廚, 都話依度出名啦! 但嚟了半年, 仍然都只是負責劏雞, 通雞腸!!! 仲好好人, 帶埋我地去餐廳 tim! 一路上滔滔不絕, 比我們還興奮! 最好笑佢話比 Sam 哥知係里昂本地, 跟本所食嘅雞全部都係藍腳雞, 洗鬼四處搵咩? 同埋當地最出名嘅菜色不是什麼名貴食材, 而是食豬牛內臟呢! 開餐廳開到可以買起成個火車站, 厲唔厲害!
唔好以為無生意, 只是七點幾太早, 啲客未到!
頭盆係焗法國蝸牛, 好味! 可惜太少!
主菜點了牛扒同魚, 我覺得魚好食啲, 好滑!
整理食物唔錯, 服務有水準, 最重要係價錢合理!
沒有留言:
張貼留言