2011 ~ Verona

28/6 のVerona   

之前睇了一套很吸引我的電影 > 茱麗葉愛情信箱 (Letters to Juliet); 為了尋找羅密歐與茱麗葉的愛情故事,  選擇了Verona !

從米蘭火車站出發, 個多鐘便到 !  原本可以直接搭巴士入市中心,  但 Sam 哥極不喜歡問路,  佢話覺得似傻佬喎,  所以好多時寧願自己撞下!  其實我唔怕行,  但係烈日當空下搵路,  確實不好受!   

          

          

阿雷納競技場(Arena) , 它是保存得最完整的古羅馬圓形競技場;  但
規模比羅馬的鬥獸場細好多, 沒什麼睇頭 ! 
            

          

            

每年Summer 都會在場內舉辦演唱會, 聽講會好熱鬧 !
              

古羅馬遺跡, 在保護古跡這方面, 她們的確做得好好!

          

由大街一直行, 便是 Piazza delle Erbe 廣場,  有攤檔市集, 售賣紀念品和生果等.
         

圍繞著Piazza delle Erbe 都是一些古老房子, 仍然保存得很好!
           

         

      
                     但丁廣場

                    

     
        串過一度又一度漂亮的拱門.... 回到中世紀時代!
      

       

       

     前身是監獄的建築物,  睇唔出喎!
     

    


   以前的死囚問吊後便會吊在這裡示眾! 
        

又一座極美麗的教堂, 較少見是大門鋪上粉紅色的雲石.
       

      

 

  

              

        

Arche Scaligere是古時一個貴族的墓地,  實在太誇張了...
       

      

       

        

來到茱麗葉之家的門口... 第一個反應 > > >  係咁架拿?  一切夢想中的愛情故事都破滅了!!!!!  好多人呀! 

     

羅密歐與茱麗葉的故事, 最經典的一幕, 就在Casa di Giulietta這裡發生...

       

        

由於入場費要 7 euro, 所以大多數遊客都只在門外拍拍照;  而我覺得反正再嚟嘅機會不大,  點都要入去睇睇,  企係個陽台度,  扮下嘢影番張相喇!   
          

> > > 實情屋內擺設極之簡單,  Um….感覺有啲搵笨囉! 

茱麗葉的銅像,   排晒隊等影相!    不過唔知點解,  啲遊客同她合照時,  大多要摸住佢個胸,  純粹係貪得意, 定係有其他意思呢 ? 
            

如果大家有機會來意大利,  不要錯過這浪漫小鎮啊 !
晚餐在酒店附近的小餐館食pizza 同意粉, 又平又好食 ! 

           

依個意粉真厲害,  先有大大隻龍蝦,  再嚟小龍蝦, 青口, 蜆仔, 魷魚,  好豐富 !    啲汁仲可以當湯飲,  正到哩!